عشقهُ خنجر في خاصرتي

البارت الثلاثون

_٣٠_

#عشقه_خنجر_في_خاصرتي

#بقلم_أسماء_ديمير_مع_Roro_Rose

شدن ..

مثل فزة طفل روحي ..

تفز لو سمعت بطرواك ..

ومثل وردة وشحيحة ماي ..

مزنة مطر تتنخاك ..

امرني اسد الباب واقفلها ...بديت اتراجع واخاف ، رجفة بجسمي وكان وصلنا للصدك هسه؟؟؟

وهو استند وكف وكام ينزع بهدومه ويكول تعاي ...نزع قميصه وياشر الي
-تعاي دكولج ..

وكفت على صفحه خايفه ، ضل يلح عليه اروح اله واني بعد انثولت مستحيه منه ،  وهو هيج عاري كدامي صح امنية جانت عندي اصير زوجته وحلاله ..

وانام مجاورته واتوسد زنده وانثر بوساتي بكل شبر يمر كدامي ،  بس كلها هاي افكار براسي واحلام ، ودائما الحلم مختلف عن واقعنا مع الاسف  ..

انداريت اطلع من الغرفة دانهزم ،  عاط  بيه
-دتعاي فضينا راح تشلعين گلبي وهذوله بره يريدون صخام ..

دنكت بخذلان ادري دا اجذب على نفسي واقنع بيها ...

بس هي ما تريده اني احق منها بي ، اني مكابلته من طفولتي لليوم ، اني اللي حبيت واني اللي استحق قلبه قبل كل شخص وقبل كل شي ..

جاوبته بكسرة

-لا راح اجي هسه بس خل اغير ملابسي عفيه
-اي فضيني يلا

رحت سحبت روب ابيض وحلو اريد اعيش اللحظه غصب عن الظروف ،  اريد اكون عروس بكامل تفاصيلها ما اهتم لاي امر يعكر يومي  .....

دخلت حمام الغرفة وغسلت شي سريع لاجل ريحتي طيبه تكون وهاي وصايا البارحه من خالتي الصغيرة  ..

اللي حفظتها ببالي زوجها يحبها حيل وهواي احط بالي يمها من تنصح...

وااتمنيت غدير يكون مثله ويباوع الي بلهفة عاشق واضحه ..

طلعت لكيته متمدد عالفراش ، ومغطي جسمه وملابسه كامل عالارض ، عيونه عالباب اول ما طلعت ، اكلني بنظرات حسيت بيهن اعجاب او يمكن اتخيل ...

كلش تفشلت بس حلو منتظرني واني رحت اله وكفت يمه مدنكه الامر صعب وهو قافل عليه تكولون ضاربيه مية عصا وجاي يمي ..

جمدت اكثر من جرني للغطا وياه وبدا اللي المفروض نبدي من ليلة سبقت ...

تفاصيل ما كانت حلوة ولا مثالية ولا راسمتها هيج اني ، بس النتيجة وحده ، صرت مرته بساع حتى ما لحكت احس باي احساس ،  لا فرح ولا الم ولا اي احساس حي ...