عشقهُ خنجر في خاصرتي

البارت الرابع

_٤_

#عشقه_خنجر_في_خاصرتي

#بقلم_أسماء_ديمير_مع_Roro_Rose

شفته واكف كبالها ، من فتحتها فجاه وبصوت عالي اندار علي  ، هيه شايله بيدها فايلات  ..

حجت تفضلي شكوو ..

- حممم العفو عبالي للغرفه فارغه ، بس شسمه هذاا ، توترت نوب الحجي طار ، درت وجهي صار احمر ، كحيت ردت الهذا ..

هيه وكفت لحيلها مزعوجه :- اي شنوو ؟؟

انداريت عليها شلون نترت بيه ، حجه حسام تريدن الملف هذاا موو تقدم عليه ، خلاه بيدي يباوع بوجهي اخذي وروحي يله ..

وكفت معانده ، دمعت عيوني ، باوعتله بترجي ، لزم جف ايده عصرها اخذي ست وروحي يله …

دار وجه ورجع ليم البنت ، ضليت على وكفتي مدمعه ، عفت الباب مفتوح وطلعت كل شوي اندار عليهم ، رجعت لغرفتي اديه ثلجت ، دمعه طرف عيني ، انهضمت حيل ..

كعدت صافنه شارده ، شبي وياي هذا ..

خما هيج كالوها ، عليش زعل بهل لهل درجه ، مادريت بي هيج قاسي ، غير يقدر شوي وضعي ، خايفه والله ..

كمل الدوام و رجعت للبيت مقهوره ، قررت بيومها افتح الموظوع وياه امي  حتى لو تكب بوجهي ميخالف ..

على الاقل سويت شي ، وحاولت ليش اضل اراوح بمكاني ، هيه بالمطبخ ودخلت عليها متحيره ومتوتره ..

هيه حست علي ضلت تشتغل وترفع براسها كلش شوي ممرتاحه الي ..

وصلت ليم البوري  سحبت كلاص اشرب ماي ، ابلل ريكي الي جف من شنو ماعرف واني بعدني مافاكه حلكي ..

لكيتها صافه بوجهي ورافعه تك حاجب تنتظر اشرب الماي واحجي الي عندي ..

خاله الكلاص بحلكي وعيني عليها ، شربت الماي كله وبعدني ماذبيته من حلكي خايفه منها ..

حجت هاا راح تكرطين الكراص هم لو راح يضل مجلب بحلكج منا لباجر ..

نزلته من شفايفي وابتسمت بريبه ههه ..

حجت شكوو مو على بعضج اعرفج ..

كلت لو بالهدف لو بالنجف  اخرطهن كلهن احسن ، جانت بوكتها تكشر بتيته ، كلت هسه تهفني بالمكشاره ، حجيت بسرعه بلا تردد صلي كبل :- اكو واحد عرض عليه الزواج ، هو موظف وياي بنفس الدائره بس بغير قسم ، وجاب اخته تعرفت عليه وعائلته زينه واخلاقهم معروفه ، شتكولين ..

ذبت المكشاره من ايدها صفنت هاااا ..

وكفت كبالها  متوتره ، هااا شكلتي ..

-تعرفي موو  انتي ..

-غير موظف وياي اي اعرفه ..

-ليش جاب اخته بالله ..