عشقهُ خنجر في خاصرتي

البارت الخمسون

_٥٠_

#عشقه_خنجر_في_خاصرتي

#بقلم_أسماء_ديمير_مع_Roro_Rose

غصن ..

جرت سالفه خطبه عمتي فتره طويله ، الجده قافله ماترضه وتكول صابرين انطيها ضره على اثنين نسوان ليش ، تبقى عندي معززه مكرمه اشرف الها ..

وعمتي زعلت ، عافت البيت وهجت ، حاجيت رياض كال راح اقنع سلمان واكله اخذ اخوانك وروح اخطب وشوف رايهم ..

قبلها رحت انطي لعمتي خبر ، ليش تنصدم خطيه ..

اخذت ابني وطلعت كبل لبيت عمي ابو غسان ، دخلت وصحت ياا اهل دار وينكم ..

طلعت الي شدن تضحك تكول نوور البيت والله شعجب اجيتي مو عوايدج ..

جايه وجايبه الخير ، رجلي خضره اني ماتعرفوني ..

لا وانتي صادكه نعرفج  ..

جن ماعاجبج ولج ، دفعتها ودخلت اكوللها وين عمتي صابرين ..

جوه لافه راسها بعصابه و زعلانه ..

دخلت لكيت سوسه مرام يمها تفرك براس عمتي وتكللها ولا يهمج لاضيكين خلك  ضلي مصره على موقفج ..

سلمت ودخلت ، والضحكه تارسه وجهي ذبيت هاشم بالارض وكعدت مكابله عمتي الوجها باهت من قهر ..

هاا عمه شبيج مو عوايدج وين صابرين النشطه ..

عمامج وجديتج خلو نشطه ياعمه بهذلوني وضيعوا شبابي ..

والعريس الجايج وين راح ..

راح ويه القبله اعرف حظي ..

رجال رايدج عمه والله ..

شايف مني هالاغم ياعمه ..

مو مهم يشوفج المهم سمع عنج كل خير ابتسمت وبينت اسنوني بمكر ..

كامت لحيلها حجت هاااا …

وشساامع ..

ابتسمت اتنحنح ومفتخره بنفسي ..

ولج بت ثامر احجي ..

ضليت ساكته مرام حجت اكول احجي لا اجيبج بجف اوكع اسنونج دحجي ولج شنو نجدي الحجي منج جداووه ..

عوووذه جاي ادلل عليجن شبيجن ..

نترت دحجي ..