عشقهُ خنجر في خاصرتي

البارت الواحد والاربعون

_٤١_

#عشقه_خنجر_في_خاصرتي

#بقلم_أسماء_ديمير_مع_Roro_Rose

تقربت علي تهمس تدرين هو ناي** اغلب الموضفات هناا لو ماتدرين ..

كبل وكعت دموعي ، حجت والله احجي صدك حتى ام ريم الي عمرها نهايه الاربعين هم مسويها وياها كملت كلامها وهيه تضحك ..

وسكرتيره و ام البريد والاستعلامات ترى ماخذهن بالسره ، بس انتي الهبله ،  قبل زواجه منج وبعدها استمر بنضال ههههههاي …

 فلا توكفين عليه بس ، جنت محتاجه فلوس واخذتهن بهل طريقه  ومره وحده يااحبيبي شصار يعني ..

خاب لو بيج خير ارجعي وازعلي من بقيه الموظفات الي ياكلن ويشربن وياج وهنه جان ينامن ويه زواجج بالمخزن لو بالحمام ، خلت اديها على حلكها تضحك..

بس ام سعدون مالاحها سره لو ملحك جان هم اخذت نصيبها ، هيه تحجي واني احس يافوخي جمر ، نااار وجهي نار ، صدري ضااق عليه ..حسيت شي حار نزل على حلكي عرفت خشمي طك دم  ..

وكفه ارجف فجأه كعدت ابجي واشهك ..

هيه سكتت جرت كلاينكس وخلته بحظني وحجت بهدوء ، دنيا مصالح يا ايمان ويمكن الله حبج وشوفج خيانته بعينج اصلا لازم تشكريني مو تكرهيني ..

لزمت خشمي ا كف دم وكملت دربي ابجي ياارب كون حركه دمي بي وبيها ، يااارب ضوكه وجعي ، ياارب ضوكه المي ..

اخذت ركن كعدت اداري دم ، جان اكو بوري طالع من حديقه بيت فتحته وكفت اغسل وابجي ، وكفت دم كوه ..

كل ما يصعد ضغطي اول شي يطك خشمي دم ، مالكيت اله علاج لحد هسه ..

كمت دربي للبيت ، نص درب كضيته مشي لحد ماصعدت كيه من تعبت ، رجعت بيومها كضيها نوم ، انهزمت بالنوم ..

ايام واني شارده  من زعلي بالنوم ، رقمه يدك يدك ..

عنده خلك يبزع ، يدك ليل ونهار ، اصلا تعلمت اخلي جهاز صامت وخلي يدك لوحده  ..

قبل كلبي يرجف من يشوف رقمه اضحك بس اشوف اسمه بشاشه ، هسه احس كلبي ينقبض وروحي تطلع كرهت حتى جهاز ، امي جانت ترد نوبات وتتولاه غلط ..

بدلت رقمي مرتين مع هذا اشوفه هم يدك ، اتبعت طريقه الحظر ولو احظر هم يدك ..

سوالي قلق بالدوام بالبيت لو رسائل لو يتصل  ..

تالي هملت الجهاز ، وكظيت وكتي على نت ، لا رقم ولا شي ، بس اخذ الموبايل احتايط وياي ..

مشيت وحجيت لام سعدون الي كالته الي مياده كالت اروح واسالج و اشوف صدكها من جذبها ..

صعدت لطابق الرابع تسال وحده وياها جبيره بالعمر ، وصحبه من سنين كالت مجذب هاي ، يومين هيج تسأل و ياهو تلزمها من صاحبتها تحلفها وتكللها احجي ..