عشقهُ خنجر في خاصرتي

البارت السادس عشر

_١٦_

#عشقه_خنجر_في_خاصرتي

#بقلم_أسماء_ديمير_مع_Roro_Rose

كابلتها وكعدت خايفه شسويلهم قابل ..

رجعت نوب كامت وتكلي ولج كوميني ، كامت وعثرت ، صاحت ولج يالرعنه عينيني ..

تقدمت عليها ارفعها من الارض ، واصوات العاليه مستمره ، نوب فزعوني وياهم ، وكلها تركض باتجاه بيت عمي ..

خذتها ومشينه لبيت عمي ثامر ، واشوفلك سيارات الشرطه ، وشرطه نازلين نايمين فوك على عمي ثامر وهو مدد بالارض يصيح هدووني  ..

وعمي مضفر شاحطي للسياره ومتولي جر وغلط هو يتلاوه وياهم ..

وفراس يصيح ويغلط نامو علي كتل وسحل ، وعمتي اصرخ عليهم خايفه ..

جديتي كعدت بالارض ممفتهمه السالفه تلطم وتصيح يبوووو انهجمت بيوتنه يبووو…

عمامي يتوسلون بالشرطه شنو السالفه يمعودين ،  انطونه مجال خلي نفتهم ..

ماكوو شحطوهم شحط ، ولد عمي حاول وياهم على زلم كبار بالعمر مو زين ، وغلط هيج وناس تعبانه لا تصعدوهم بسياره شرطه وعيب من العالم ..

بس ماكو سحلوهم سحله الجلب ، نص عناصر الشرطه دخلو للبيت ، يفتشو واحنه حصرونه بالحديقه نسوان وجهال ..

كلبو البيت على بطانه حتى مخزن نبشوو ، بس تسمع صوت ركع الغراض جوه ، ساعه همه ماخلو شي مابحشو بي ..

الولد وكفوهم بصف الحايط ويكولهم الي يتحرك نرمي ، كلشي ممفتهمين ، او الاصح اني جنت ممفتهمه وماعرف شنو القصه ..

 جديتي كابلت عمتي ام فرقد تلطم وتكللها انهجم بيتج يافهيمه يبووو راح زلمتج..

طلعت سيارات الشرطه وماخذه عمامي مضفر وثامر ، والبقيه ركبو سياارتهم ولحكوهم .. بسرعه ،

ضلينه بالحديقه مدهوشات والبيت فرغ من زلم ضلت بس نسوان ..

وجهال تتباجه مخترعه ، عمتي خطيه كالت هيج وكعت على صفتحها فاقده للوعي ..

الحجيه بس تون وتبجي عفتها وحرت بعمتي بناتها يعيطن عليها مخترعات ، شلناها كوه للبيت ..

دخلناها للمطبخ نغسللها وعمتي صابرين  ترش على وجها ماي وتصفك بوجها تكعد بيها ..

ياا خيه تنهجم بيتج ، راح ابو بيتج ياحظج يافهيمه ..

وكفت على صفحه خايفه والبيت هوسه ، التفتت علي بيت الغراض تارسه الارض ..

كالبينه للبيت كلاب ، بنات خطيه اجن يلملمن ويرتبن وينظفن ، واني كعدت على صفحه لامه نفسي اريد ابجي ومصدومه ..