عشقهُ خنجر في خاصرتي

بارت الثامن عشر

_١٨_

#عشقه_خنجر_في_خاصرتي

#بقلم_أسماء_ديمير_مع_Roro_Rose

فكره زرعتها امي بيه ، بس الخوف تملكني ، منا يطلبون مني انتازل واوقع على اوراق ..

ومنا فراس يتهدد علي ويجاوز ، توقعت منه حتى ضرب يضربني ، على كولت مرام مستعدين يكصون اصبعج وياخذو يبصمون بي ..

نمت بيومها على جربايه بصف فرقد والخوف مو تملكني لاا سيطر علي بالكامل ، من راسي لجدامي ..

احس دكات كلبي الخايفه حتى جار يسمعها ، احس نفسي مفضوحه وكلها تعرف الي افكر بي ..

لحد ما قررت خلص ، هيه سياره تكسي اخذها من الشارع وادلي على بيتنه وهاهيه ..

ضليت اقنع بنفسي بهل حجي ، واقوي نفسي ، واكول هينه ، شنو جاهل قابل اني ، استغل نومتهم واطلع فجريه واقرب سياره توصلني لامي ..

هالمره عدي فرصه وفراس مموجود ، وفرقد نومه ثكيل ، وعمتي مريضه وبغرفتها متطلع ، وبنات وره سجن عمي كامن ينامن يم عمتي بالغرفه مالتها ..

صافنه على سكف وافكر واشجع بنفسي ، كلبت على يمنه فرقد بصفي ، احس بي كاعد منايم مدري يتخايلي من خوف ..

جريت نفس بتعب يارب عونك ياارب ..

هو انكلب على ظهره ، غمضت حيل ، رجفه الي بجسمي تخوف ، ضليت اتكرضم ..

هو ضل يحوص عرفته كاعد ..

التفت علي وحجه ايماان ..

سكتت مارديت ..

رجع كرر اعرفج مانايمه شبيج ..

فتحت عيوني بهدوء دمعت بسرعه مرتبكه ..

حجه زعلانه مني شنوو ..

هزيت راسي لااا ..

همس تعبان ..

رمشت بهدوء استمع اله ..

رد .. وضع ابويا مدمرني ماجاي اوكف تفكير بي ..

حجيت واخوك فراس ..

شبي ..

ليش هيج يهين بيه وانته ساكت بالجذب متلكه مرتي مارضه ..

اخوي هذا ..

اعرف واني مرتك والي يهيني معناها يهينك ..

توزيني على اخوي الوحيد ايمان ..

باوعت بوجهه بعتب ، رمشت بهدوء شكوله هذا بعد ، هزيت راسي لا اوزك ولا توزني تصبح على خير ..

درت ظهري بقهر وحاولت اغمض ..

هو مانام ، جن ذيب ونايم بصفي ، لل٢ واحس بي كاعد من حركته وجرته للنفس ، عبالك حاس بيه وبالي افكر بي .