عشقهُ خنجر في خاصرتي

البارت الرابع والعشرون

_٢٤_

#عشقه_خنجر_في_خاصرتي

#بقلم_أسماء_ديمير_مع_Roro_Rose

وكعت على وجهي كبل ،  وانجرت الجنطه من ايدي حيل ، صرخت مخترعه ، ماحسيت بسرعه بسرعه صارت ، ضليت اعيط واتلفت ،  دراجه راكبيها اثنين جرت الجنطه من ذراعي وطلعت كبل ..

اني ضليت على وكعتي بالارض ابجي ، اديه تزلغت ، وجرح القديم انفتح ،  كعدت على حيلي انفض بنفسي وافر براسي خايفه ..

العالم اجت تتراكض و التمن عليه ، الغراض ترست الشارع ..

كامو يلمون بالغراض ويخلوهن بصفي ، كمت لحيلي البنطرون من جهه مسرود ..

ابجي خايفه والعالم تسال ، بيج شي ، شخذو منج ، هاا خما تاذيتي ..

يله اسم الله عدت سلامات ،

اباوع لبنطروني ، عبالك منتول بحديده بشي ومسرود ، اجت مره جبيره تسال شبيج انباكيتي خما شايله هواي افلوس ..

نوب وعيت على بوكه جنطتي كعدت على رصيف اشهك حجيت عمو عفيه شغلاتي كلها بيها هويتي و موبايلي وكلشي ..

سالوني اهل محلات والي وكفو يشوفون شبيه ، خما مستلمه راتب توه ونباك ..

لا انعل ابو الفلوس المهم هويتي مال وزاره هاي مسؤليه ، 

كالو ندك على شرطه ..

ناس تكول شرطه متفيدج ، راحن بعد وين تلكيهن ، وناس تكول خطيه شاحطيها شحط بشارع ..

سالو حافظه رقم اهلج شي ندك عليهم ..

نوب لا حافظه رقم امي لاصخام ، ضليت على كعدتي ودموعي تكت من خرعه ، الي شفتها ملو مني وبدو يرحون ، ضليت افر براسي ، خليت اديه بجيوبي اطلع كلينكس امسح وجهي ودموعي اجت بيدي ورقه ..

فتحتها عبالي زباله طلع رقم هذا شخص الي بالامن اسمه رعد ..

انطيتها لواحد منهم كتله دك على هذا رقم فدوه ..

اخذه ودك علي اسمع يكله بنت متعرضه لسرقه و اديه وركب رجليها متأذيه ياريت لو تجون تاخذوها قبل لا تغورب دنيا ..

سده  تشكرت منه حيل حجه اضل يمج لحد مايجون اهلج ..

ضليت على كعدتي ، نوب الغراض راحن بالارض حتى العلاكه انسردن ..

خليت اديه على راسي انتظر ، نوب شكو شغله مهمه عندي خالتها بالجنطه ، مفاتيح الغرفه مال دوام ، هوياتي ، فلوس موبايل ، كل ماصفن ابجي كارثه والله ..

من عدا ايدي احسها مخلوعه ، حسيت على شخطه سياره بسرعه رفعت راسي لان الولد نفسه نزل يركض ..

ولازم سلاحه الي جان بخصره اجه باتجاهي ..

شبيج شكوو ..

رديت علي عفيه مفاتيح دوام و هويه راحن اثنينهم انباكن ..