عشقهُ خنجر في خاصرتي

البارت السادس ..

_٦_

#عشقه_خنجر_في_خاصرتي

#بقلم_أسماء_ديمير_مع_Roro_Rose

تاخر الوقت واني صافنه على القصيده ، سرحانه بالعالم الي صوره الي ، العالم الوردي شوفه الي ، الوان حلوه جو جميل دافي ، حياه سعيده ورجل محب ومصر عليه ورايدني ..

نسيت دنيا ماتريد رجال يحب وبس ، الحياه تريد شخص يقاتل ويحارب وعنده شخصيه حتى ياخذ الي يريده ..

رجال فعل مو بس كلام معسول ،

تاخر الوقت وراح الخط وعافني واني مادري بروحي ، صفنت صفنه لم يصفنها الصافنون ابد ، فزيت من صفنتي وجوي العشت بي دقايق جميله ..

لان اندار وشفت الدائره فارغه يماا ، و الخطوط كلها ماشيه الكراج يصفر يبووو عليه اي والله وين بالي ، التفتت علي مدمعه امي تتخبل علي هسه ..

حجه بهدوء ، كلي اوصلج ..

درت وجهي على كراج هاااا ، لا شسمه ،

-شبيج ايمان خايفه مني اذبج براس الشارع ، وكملي دربج للبيت يابه ، مو مال عبريه هالوكت يله ..

ضليت افر براسي ، حتى لو اخذ تكسي هم صعبه ، وهيج وكت ماكو عبريه لو خط ..

هو اصر ومشه جدامي ، يكلي يله ولج ..

بالبدايه خفت بس بعدين كلت احسن ماخذ تكسي ، لحكته للكراج ، صعد وصعدت بصفه ابالع بريكي ، شغلها ومشه بينا ..

ضل بالي امي هسه تملخني والله ، نوب شلون سرحت اني هيج ونسيت الدنياا ..

صدك اني مايعتمد علي ابد ، هو خطيه شافني متوتره وداس بانزين حيل ومشه بسرعه ، فتنه من يم قاطع عسكري بسرعه ..

صاح بي واحد :- هااا ولك حسااام اثول هو هيج ..

نزل جامه :- صاح تأخرنااا تاخرنااا بعدين يمعود ..

التفتت علي منو هذأ شلون تفوت هيج اعتقلوك شلون ..

- ضحك كال هذا اخويه شبيج خرطتي ..

- يمعود نوب تورطنه ويه شرطه صدك تحجي ..

- اخوي داكلج هذا ، لاتخافين ،

وصلني للشارع مالتنه ، ونزلت بسرعه اركض ، صاح وراي ايمان على كيف يكلبي ليش هالخوف ..

سلمت علي باي ورجعت بسرعه ..

حقك ماتعرف عفاف انته ، بسرعه دخلت للبيت ادور براسي امي يمااا امي وين ..

نزعت حذائي حتى مايسوي صوت ، شلته بايدي ، مديت راسي بهدوء البيت فارغ ، مشيت على كيف بسكوت على صابعي ، اجاني صوت جدي ايمان جدوو ..

جمدت بمكاني ..

التفتت وراي كاعد يقره جريده ، حجه تأخرتي جدوو ..