_١٣_
#عشقه_خنجر_في_خاصرتي
#بقلم_أسماء_ديمير_مع_Roro_Rose
مرام ..
صار ايام واني اداري بامي ، وكعت مريضة عليه وضغطها تحول من شي بسيط الى مزمن دائم ، اكلها وكل امرها تحتاج مداراة ...
اني كنت بعيدة كل البعد عن البيت وشغله واليوم لكيت نفسي بمشكلة كبيرة ...
معدن الناس يبدي يبين بهيج ظرف، وتعرفين صديقج من عدوج ، وتشوفين الحقارة شوف العين...
نسوان اخواني منتهية منهم ، اني حقيرات وراح يستغلن غياب ابوي ، وجنت ادري هالشي راح يصير ، الا اخواني من امي وابوي ، شجاهم وتچالبوا علينا غسان يفوت ويطلع يتهنتر براسنا ، ومسوي نفسه الجبير راعي البيت ..
وهو وصلة مسح بيد مرته ، غدير الله اخذ عقله وبعدين تعرفون السبب ، وغافر لا يحل ولا يربط اليكوله عمي ثامر لو عمي مضفر هو اليمشي عليهم ....
تمنيت عندي اخ مثل فراس ، والله تمنيت اخ يتجاسر ووكح ، ماكو!! اخواني دبش لا علم ولا ثقافة بس انطيهم اكل ووكت العركات يهدون ، بلا فهم ..وسباعيتهم علينا اني وامهم ...
عمي ثامر يسوي كل مصيبة بكد راسه ، واليتحملها غيره ، مثل زما راح ابوي بجريرتهم لا يتوبون ولا يبطلون ...
كرهي لفراس زاد اضعاف لان هو السبب الرئيسي بموت ابوي ، كله بسبب اخذه لكاع بيت ***
اجتنا المصايب ، وفوك هاي كلها بعده مجلب بسالفة زواجه مني ، واخواني ما يحجون ولا يكولون بالعكس يكولون اله اي ، انت اولى ابن عمنا كون العمى لعيونهم وعينه...
طلعت من بيتنا اشر ملابس بالحديقة الخلفية ، الوقت غروب ، ومستعجلة اريد اكمل شغلي ، حتى ارجع اشوف المسلسل ويه امي ، خطيه بعدها ما كملت حدادها ، ونلتهي اني وياها بهالتلفزيون ...
رافعه ايديه وجسمي ، رغم طولي حتى اوصل للحبال ، ادري موصليهن يم السما ، من هاي امي يوميه جانت تعاركهم نصوا الحبل!! ...
رفعت نفسي اكثر ، ما احس الا انشاليت عن الكاع ، وواحد يصعدني حتى اوصل .فلتت نفسي منه ودفعته بالكوه وانطيته ضربه بصدره ..
-شبيج اساعدج
-مشكور ما تقصر وكفت متخصرة اله
يضحك ويحاجيني: -يولي اوكفي عدل من تحجين وياي
-واكفه عدل !
أنت تقرأ
عشقهُ خنجر في خاصرتي
ChickLitحين ينتهي الحُب , أَدرك انه لم يكن حُباً الحبّ لا بد أن يُعاش , لا أن يُتذَكر. ( القصه حقيقيه )
