عشقهُ خنجر في خاصرتي

البارت الثالث والعشرون

_٢٣_

#عشقه_خنجر_في_خاصرتي

#بقلم_أسماء_ديمير_مع_Roro_Rose

بلعت ريك امي اندارت علي تباوعلي بستفهام ، كوه نطقت مرتبكه ، حجيت استاذ طلال ساعدني بسالفه النقل ..

اندارت علي مبتسمه :- حجت يااهلا وسهلا يمه هلا بيك ..

شو هذا نزع حذائه كبل ، وكعد كبالنه كال خما اضايقكم اذا شاركتكم الكعده ..

درت وجهي افرك بكصتي ، انعل بيت خلفك على هاي دكه ياطلال ..

امي ردت لا يماا صدك جذب هلا بيك ..

جنت بوكتها مخذه اكلات نكضي وكت بيهن ..

امي فتحت العلبه ز قدمت اله هو كعد عادي يسولف ويه امي ولان جن غريب ، درت وجهي باتجاهه همست اله ليش جيت ..

مارد علي ، امي اخذت علي بالحجي ، هو اجتماعي ويخلق الموضيع خلقه ، شوي وندار عليه وحجه وياي بعين كويه ..

اكول عندي موظوع ويه امج عوفينه شوي وكومي ..

فكيت عيني وين اعوفكم داده شنو قصه ..

رد يضحك سوالف كبار يله كومي ..

امي مستغربه تباوعلي بطرف عينها ، هو حجه كومي عاد ..

امي هزت راسها متحلفه ياابه والله مادري هاي شراح يقنعها مادري بي شريد وليش اجه ..

كمت لحيلي اتوسل بعيوني لا يجفص بحجايه ، هو مرتهي وشايل بيده كرزات يكرط بيهن ..

كمت ومشيت واتلفت عليهم هو ندار على امي يحجي وياها ..

كعدت على صفحه اباوعلهم بحسره اكلت روحي اريد عرف شيحجون لو امي شبيها كل شوي اتندار عليه وتخزر بيه ..

هو شفته دنج ويهز براسه ورجع باوعلي وجه احمر  ، اني شلون الطالب ومعاقبي وشامري بصف سله زبل اكل بروحي واباوع مقهوره ..

نص ساعه همه يحجون ضليت افتر بين ناس ، كل شوي اخذلي ركن بصفحه ، اباوع عليهم ، شفته كام ينفض بملابسه ويعدل بنطرونه  ..

تمشيت بسرعه باتجاهم ، وكفت يمه باوعته بخزره هو ماباوع بوجهي سلم ومشه ..

انداريت علي ، رجعت باوعت لامي حجيت شريد ..

حجت تعاي اكعدي يمي تعاي توه كعدت كبالها ولزماني من جتفي هز ، يالادب سزز جابتني تخليني جدان امر الواقع ، ولج صلفه بعدج مزوجه وادورين خطاطيب  ..

دفعت ايدها بهدوء يماااا بمكان عام عيب والله شبيج راح تضربيني هناا ..

ولج شنوو هذاا شنو يخطبج مني ..