عشقهُ خنجر في خاصرتي

البارت الواحد و العشرون

_٢١_

#عشقه_خنجر_في_خاصرتي

#بقلم_أسماء_ديمير_مع_Roro_Rose

طلعت من غرفته ، ومشيت بهدوء ، احس نفسي بدوامه ..

دخلت للغرفه بيه شي منهار ، كعدت مهدود حيلي لييش ، ليش ماحجه ..

ليش ماكال ، املني على خالي بلاش ليش ..

عرفت شبيها وياي هذه ، عرفت ليش حاقده وكارهتني ، وشاده وياي وتنتظر مني اقل زله ..

الموظفه وياي شافتني عيوني حمر ولازمه راسي ماحجت ، بس اسمعها تتافف ..

لنهايه دوام عيوني تنتظر حسام وجيته للغرفه مااجه ..

طلعت من دوام اتلفت ، بالكت المحه ، وين يله شفته بالكراج هو وجدان واكفين ..

من رفع راسه وشافني كمل حجي وياها ، راحت هيه للخط وهو توجه علينه ..

اني كبل كملت دربي للخط وغلست علي ، 

موبايلي بالجنطه دك شلته عرفت من رقم غريب هذا كمال ..

شمرته بالجنطه وسكتت ..

رجعت للبيت يومين لازمتني صخونه من شوطتي ، مانقهرت لان عده علاقه انقهرت لان هم عشمني وهم خدعني وهم خذلني ..

مابي اي امان او صدق ماعنده اي اخلاص ، ماجنت طالبه شي منه او منتظره شي منه من رجعت للشغل وشفته ..

صح بعده بكلبي بس ماطلب شي ، تجاهلته هو عشمني بي هو لحكني ، زين هاي وجدان شنوو ، معقوله يعرفها من قبل سنه ..

باين بينهم علاقه طويله لدرجه بنت تغار علي ومراسلاتهم تثبت هالشي ، من عدا وجودها يمنه بنفس دائره وكعداتهم سوه بالغرفه شلون مانتبهت اني شلون مالحظت ..

شلون اني انتبه هو عمي ثامر مانطاني مجال احك راسي ، ثولني ثول ..

نوب هذا كمال الي لطش لطشه الكراده ، حتى على امي يدك ويسال علينه ..

امي ردت بنت مريضه ، حتى ماداومت ، و مالها خلك ترد على الاتصالات …

مدده وراسي هالكبر ، امي تمشي وراي وتحوص تريد تستجوبني واني ساكته ..

بس احجي ترجع عليه ، شافتني كمت غسلت وجهي وصحصحت شوي ، صاحت علي ايمان تعاي يمي بالمطبخ شوي ساعديني ..

رديت بتعب مريضه يماا مابيه ..

دتعااي بس اكعدي هناا يمي شوي ..

مشيت للمطبخ ، جريت كرسي وكعدت ، رمشت بهدوء ، باوعتلي مبتسمه شلون صرتي ..

الحمدلله احسن ..

شنو شبيج ، هم دوره شهريه ..

رديت لاا اصلا ممنتظمه وجاي اطول ويله تنزل ..