عشقهُ خنجر في خاصرتي

توضيح ..

السلام عليكم ..

توضيح صغيروون على مقطع من البارت البارحه ..

هو انو الحلف بغير الله حرام واشراك ..

اولا الاشراك نوعان .. صغير و كبير ..

والصغير يقصد به ان تكدر تكفر عنه بقول لا اله الا الله ..

هو حلف بغير الله اشراك صغير ، وتم اسناد هذا موضوع باحاديث ،،

رسول الله صلى الله عليه وسلم (من حلف بغير الله فقد كفر).

يمكن تكفر عنه بقول لا اله الا الله ..

الحلف بغير الله ظاهره منتشره عند طائفتين ، القران او ونبي او بالكعبه هذول محد يكولهم غير الاخوان سنه ..

اما وزهره وعلي و ابو فاضل اخوانه الشيعه ..

البارحه ذكرت ماقاله السنه ومايحلف بي السنه قبل الشيعه مع هذا لكيت كم بنت مايمثلن الطائفه الشيعه يتهجمون و يلقبوني بالطائفيه ..

ليش ماسالتو نفسكم الطائفه الثانيه ليش ماتهجمن برغم اني هم ذكرت نوع من الحلفان يستخدمو هم ..

اصفنو شوي ،،

على كلا ...

اني اي ظاهره سلبيه او غلط اذكرها وراح انبهه عليها بقصصي ..

مااخاف ..

ولا اخلي حساب لاحد ..

ولا على مشاعر احد ..

ماداااام هذه ظاهره غلط ، قبل هاي قصه قصه ابن الاجاويد اقصد بيها .. من كلت زواج المتعه حرام وبينت بالقصه ليش نبذته وليش انتقدته وهاجمته لان اله سلبيات لا تعد ولاتحصى ..

مع هذا هم هاجموني ليش ؟!

لان عدها جوز زواج متعه حلال ، او هيه مثلا مزوجه متعه ، او تشجع على المتعه ، قابل تقبل اجي اني احجي بي و اكره متابع بهذا الفعل الخطا طبعا لا ..

انتقد كل ظاهره وربي وماعبد اي ظاهره سلبيه بالمجتمع ومااخلي خاطر لاحد مادامها باطله وتشجع على الغلط ...

قال الرسول ( من رأي منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان ..

اكو متابعات متابعيني من قصه ابن الاجاويد .. ومتابعاتني هنا هم برغم همه يكرهون اسلوبي ..

ماعرف حبا او نفاقا ..

بس اعتقد يدورن زله عليه ، او يدورن زله بين اسطرر رواياتي ..

احب اكوللهم اني اكتب قصص من قبل لا انتي تلزمين موبايل ، وماكتب حرف اذا مااكون مسؤله عنه واكون متاكده منه ..

اني مو بنت البارحه اني قارئه للقران واحاديث النبي و اقول اهل البيت ..

وقارئه متمرسه للكتب من سنه ٢٠٠٩ .. مو تجي وحده تتهمني بالطائفيه او خريط بس لان ماعجبتها قصتي ، اتركو قصصي لان ماراح يعجبكم مابين سطورها اذا كنتو من اصحاب الصفات سيئه و العقليات محدوده ..

اني جنت ناويه مانزل توضيح لان انتقادهم وعدمه واحد الله يشهد بالعكس اشوف انو مجادله الجاهل اهانه الي ..

بس شفت رورو خطيه هيه صارت بالواجهه لان اني نمت وكعدت شفتها منزله توضيح ومحاوله تفهم بعض متابعات وجهه النظر بس شفت ماكو اي نتيجه ايجابيه ..

حتى ابرءها ، للامانه اني الي كتبت البارت مال البارحه ، لان هيه جان عدها انشغال معين ..

ماجنت ناويه ارد بس لخاطرها هيه ، والا اني اتجنب مناقشه هيج عقليات لان الرسول عليه الصلاه وسلام يكول ..

الجاهل يظلم من خالطه ، ويعتدي على من هو دونه ، ويتطاول على من هو فوقه ، ويتكلم بغير تميز ،وغن راي كريمه اعرض عنها ، وان عرضت فتنه اردته تهور فيها ..

اكو عقليات افتخر انو موجودين عندي ومتابعيني ،، واكو عقليات للاسف ازعل عليهم من اشوف تعليقهم ..

واخيرا نبذه من احد متابعات ماشالله عليها .. انسعد جدا من اشوف انسان مثقف وعنده كميه من المعلومات الدينيه الي تسعد كلبه ...