عشقهُ خنجر في خاصرتي

البارت الواحد والثلاثون

_٣١_

#عشقه_خنجر_في_خاصرتي

#بقلم_أسماء_ديمير_مع_Roro_Rose

فكيت عيوني شنو يماا .

دكت على وجها رجلج المصووون ، الي جبتي الي ومكيفه ،  رعد سكير ولج هاا ..

حجيت كبل بخوف لا والله يمه لا شهل حجي منو كلج نزلت للارض اشيل جهازي واشوف ..

لج مرته دكت وحجت مرته كالت سبب طلاكي منه لان سكير ، خلي بتج تنفذ بريشاتها ..

شلت جهاز وفتحته اديه ترجف رقم غريب كلت جذاابه والله جذابه مايشرب صار شكد اعرفه ابد ممسويهة ..

تقربت علي وجها مكلوب احمر :- دكي علي دشووف بالله  ، عاطت ، دكي دحاجي وديرباااالج اتجيبين سيره اله ، اريد انطيها بوجهه دشوف شيكول ..

اني هم ماكلت لاا ، عصبيتها خرعتني دزيت اله رساله ماردت احاجي ويعرف من صوتي اكو شي ، مارد .

رجعت كررت رساله وكتبت تعال لبيتنه ضروري ..

ثواني ورد :- خما اكو شي ..

ماجاوبت بعد ..

كعدت بالمطبخ خاله اديه على راسي فتحت جهاز صفنت بالرقم ، شجاابها عليه وكتها هسه هاي وبعدين رعد مايشرب اعرفه ، تذكرت القواطي الي جانن بسيارته معقوله جذب عليه ..

صيحه امي فززتني تكلي احلفي بروح ابوج ماتدرين بي يشرب ..

باوعت عليها محصوره كوه اريد ،  ابجي وداعت بابا ماعرف ولا شايفته يشرب ماما جذابه هاي ، طليقته اكيد متحب اله خير اكيد مايجي منها الخير  ..

ولج امي مبين من وجهه والله امبين ملعب وراعي سكر وعربده ، كتلج لا من ثوبنه ولا من مستواج شكو مجلبه بي  ..

- ياامي شبي شكله ، كل حجايه وثانيه حجيتي علي وعلى مستواه ،  شسوه شي مو زين ..

- البشر اعرفه من وجه ايماان من دون خلق الله هذا مارتاحيت اله ..

دنجت ابجي وادافع عنه مايسويها مو اخلاقه وماشفت علي شي مو زين ، كل تصرفاته وياي طيبه وماتجاوز وياي بشي ابد  ..

الحمدلله جدي ماكو والا جان شهرتني شهيره امي ،

ضليت تحوم عليه تريده بس يجي حتى تعاركه ، اني هم خفت لا تكب العيطه بينهم واوكع اني بيها ..

لحد مااجه وماخلتني اطلع اخذت جهازي ودخلت اله للصاله ، تصيح طالع صوتها ، تكله حظرتك تشرب كبل لا تحجي رجاءا بلا جذب انته رجال مو حلوه بحقك تنكر  ..

وكفت بالحولي اسمع واكل باضافري ، استلمته رزايل ماخلته يفتهم ..

واني من الاول ما عاجبني ومن الاول عرفتك مو كفو ، هسه احجي الصدك ولاتضم اريد اتصرف ..