عشقهُ خنجر في خاصرتي

البارت الثامن والثلاثون

_٣٨_

#عشقه_خنجر_في_خاصرتي

#بقلم_أسماء_ديمير_مع_Roro_Rose

شدن ...

واكفة اتفرج عليه من شباك  ، الصحن مالت الدرج وهو مكابل فراس وفرقد ،  ويحجي معصب ويأشر ضايج ويهدد باصبعه ،  صح الكلام ما يوصلني بس دا افهم كل اللي دا يكوله ، كثر ما كابلته ايام وايام واني صافنة عليه وهو يسولف

كنت اعشقه؟؟

دفع فرقد بزجر يريد يفوت للبيت عنوة وذاك دفعه وترنح بمكانه وفراس كمشه لا يوكع واني بمكاني فزيت خايفة وبكلبي اكول الف اسم الله !! مو هيج يا فرقد لا يتأذى واتأذى !!

رجعه لاتزانه فراس وطبطب على كتفه وهو يتعذره ..حلفت كدامهم بحرقة ان رجعوني اله اشمر نفسي من سطح بيتهم اذا افوته مغصوبة..

دنكت بجيت وكعدت بمكاني لا اني المرتاحه ولا اني الراضية ولا اني اللي راح اقبل بكلامه ....مثل الغاص بلگمته وماکو اللي يساعده لا اكدر اردها ولا اني المتهنية بيها ؟؟

.....

قبل اسبوع اجانا اول مره وياه عمي مضفر واخوانه اللي مسانديه؟؟ يريد يرجعني وهو يكول الهم اعدل بينهن واصلا كل وحده بمكان ما اجمعهن ؟؟

شكد عينه صلفة والاضرب منه باقي زلمنا اللي ما شايفين بفعلته هاي عيب ؟؟.

زين عمي وبنته شلون رضوا بهيج شي ...

كل ظني بعد ان تزوجته بنت عمي تبتعد وتكف وتبطل ...

بساطة فكري كانت تكول بالمنطق اذا تزوجته راح يعوفها !!

ما ناقصها شي ليش رجعت تريد تهدم كل حياتي شناقصها هي درست وبغداد عايشة احلى حياة لبس وطلعة وطبه وعافته ليش ردت هسه ؟؟

دخلت غصن واني بفراشي لسه مريضة وعندي فقر دم وضغطي ينزل باقل ارباك ...

-تعاي شدونه اطلعي يصيحوج ..جدتي اجتي والكل ملتمين

-ما اكدر !!

-شنو ما اكدر كومي احجي الهم ...ليش هيج تسوين عند اللي تزوجج تفطن

-عوفيني عفيه..مددت على صفحتي ناطيتها ضهري ما الي واهس حجي

-جدة تكول خل تجيني

-شتسويلي راح يتزوجهاا بجيت بضعف وانكسار ما مستحية منه كدام اختي لان اعرف قلبها
شنو ...وهي من شافت دمعي جيتت كبل شالت راسي وحطته على صدرها وخلتني اخذ راحتي