_٤٥_
#عشقه_خنجر_في_خاصرتي
#بقلم_أسماء_ديمير_مع_Roro_Rose
شدن :
بين كل الاحداث ما ميزت كلمة "طالك" هاي المن ؟؟اني؟؟؟ لو مريم؟؟
عاط مره ثانيه
-انعل ابوجن لابو خيرجن لابو اليريدجن ...
صوته رج البيت والكل سكت من شفناه وصل هااحد ...
اني كعدت ابجي بمكاني ، يمكن طلكني الي لان كنت اريد اخلصها من ايده ، راد يموتها ومحد من الموجودات كدرت اله نهاها من الكتل ...
نزلت بينهم واني كامشة بطني خايفة على حملي ، اندفعت بجهة عنها بضهر ايده بعدني ...
كعدت تعبانة وهو طلع ..مريم وجهه ما ينشاف اندارت عليه تدعي..
-الله لا يوفقج ..طلكني ولج ماما طلكني على هاي القذرة ..الله لة ينطيها اللزكة العاره حبلت حتى بس يرجعها شلون رخيصة ..
مرام:ما ينلام بيج والله شلون اخلاق!! .
اجتي تتهجم على مرام سكتتها امها وقاطعتها
ام محمد:دكومي يمه كومي انت ورطتينا بهالزيجة الخ...
ام غسان:والله محد ضربجن على ايدجن يمه
ام محمد :بعد ما الي حجي وياجن الزلم تتفاهم.
مريم:اني ما اريده بعد فوك ما اعور سكط ، لهنا وحجيت رغم حتى من تجاوزت عليه ما رديتها بس من وصلت بيها هيج تحجي رديتها ..
-وجع بكلبج حقي...رة بعد ما نهبتيه وسواج ادمية ..هو منو الرخيصة هنا؟؟
هدت عليه وامها كمشتها ومرام وكفت سد الي ...اني من الرجف والخوف كعدت ما اكدر اوكف احس حيلي باد وما عندي بعد طاقة اوكف ..
...جروها وطلعوا كلهم وهي تبجي وتدعي عليه وعلى اللي ببطني ؟؟
واني اصلا حسيت بطني انعصرت بقوة وكأنها الم الشهرية ...
مشيت بخوف للغرفة واني مجربة هالوجع قبل ....
اول ما فتت بغرفتي وتفحصت ملابسي وتخبلت من شفت نفس الاعراض والنزف ؟؟
من الخوف عالطفل احس روحي طلعت من قهري ما مكتوب الي راحه يمكن اني
مددت عالفراش وتغطيت واني ابجي ... شنو هم راح يروح؟؟
أنت تقرأ
عشقهُ خنجر في خاصرتي
ChickLitحين ينتهي الحُب , أَدرك انه لم يكن حُباً الحبّ لا بد أن يُعاش , لا أن يُتذَكر. ( القصه حقيقيه )
