عشقهُ خنجر في خاصرتي

البارت الثاني

_٢_

#عشقه_خنجر_في_خاصرتي

#بقلم_أسماء_ديمير_مع_Roro_Rose

الوك بالكمه بهدء اباوعلهم مفهيه ، هو كام لحيله ينفض بملابسه حجه رايده شي بعد لو هاهيه يباوع بوجهي صافن ..

هزت راسها مبتسمه سلامتك ياسبع العشيره روح فدوه الك ..

ضحك رفع ايده وحجه نترخص منج ..

مشه وطلع يااا سبع العشيره شنو هذاا نوب ..

-حجت الحجيه شفتي لهل ذيب ..

-هااا يا ذيب هذا  ..

-شبيج جده فهيتي شفتي ولد عمج ، هذا فرقد ابن عمج ثامر شرايج بي ..

-الله يحفظه لاهله جده ..

عوجت حلكهاا : شلون بنت طينه يالله ، كعدت تاكل وياي ودردم ، حجت منا وجاي كل جمعه كوون هنااا افتهمتي ..

همست بفهاوه اي ..

- باوعت عليه حلكج ضبي وكولي تم جده ..

- هزيت راسي تم …

كملت اكل وياها وحجت شيلي الصينه وديها للمطبخ يله ..

رفعت حواجبي اني ..

- منو ابووي غير انتي اكو غيرج هنا ..

كما بسرعه شلتها يماااا اطك الظهر والله من ثكلها ، شلتها كووه يبوو ، مشيت على كيف اديه تهتز ، وللصينه تركص بيدي ، رغم المواعين شوي فضت بس سراحيات الماي كبار مترسه ..

طلعت من الغرفه كوه مسطره عليها ، ادعي يارب ماتوكع ..

لا توكعين ، لا توكعين ، على بختج لا توكعين ، اتفشل ترى ..

وصلت قريب الباب واعثر بالعتبه واكول هيج اني والصينينه وسراحياات واوكع على وجهي ..

نوب صحن الثريد هالكبره كال هيج وصعد ليفوك وكع على وجهي وشعري ترس ...

عطت ااااه يااايمه ..

طلعت الحجيه تعيييط ول مووواعيني ولج كسررر راحن الموااعين يبووو مواعيني يبووو ..

وخرت الثريده هالكبر على عيني لاطشه لطش زحتها ، نوب كزن الباميه دخل بخشمي ..

الحجيت صاحت يبووو ، صحوني مواعيني ، انهجم بيتي ، عمتي صابرين اجت تركض هيه ونسوان وبناتهم ، على صياح الحجيه ..

اسمع عمتي تكول ياااا راح صحن الي جاابه ابوي الج بكطعان المهر يمااا ..

عاطت بوجهي : كسر بيدج بت عفاف شبيج مكسحه شجاااج راحن مواعيني يباووو ..

حرام محد كومني محد ساعدني ، شفت بنت تضحك من بعيد يطلع عمرها اقل من العشرين توها يالله  ، تقربت علي تكومني ، وتضحك ..