عشقهُ خنجر في خاصرتي

البارت السادس والعشرون

_٢٦_

#عشقه_خنجر_في_خاصرتي

#بقلم_أسماء_ديمير_مع_Roro_Rose

ضليت صافنه بوجه مستغربه ومتخوفه ، همست شنو ..

ابتسم اي والله ، مو كتلج دورت وراج ، 

همست بغضب ابتعد عني افضل الك افتهمت ..

رايدج بالحلال والله ..

ماعندي اي استعداد ارتبط برجال افتهمت ماااريد ..

اسعدج وداعت ولدي ..

بيك خير روح لم مرتك واسعد ولدك مو جاي عليه ..

بهت وجهه ورخت ملامحه بزعل ، حجه هيج يعني ..

نترت اييي ..

جايج من الباب يابنت ناس ..

ولا من شباااك رافضه الارتباط نهائي ..

ليش شبيه ..

العيب مو بيك ، اني ماريد ازوج ..

فكرري ..

سد سالفه ترى والله انزل ، وبعد لا تتقرب مني رجأءه ترى احلف حتى الخط مابقه بي ..

ماحجه كام من مكانه وغير مكان كعدته ، وابتعد عني ..

اني هم طنشت علي ، درب كله لمن وصلت لبيتنه كلامه بالي ، كلامه طريقته اسلوبه ، شكله كلها تلفت ..

بس اني طابت روحي من زلم ، دكاتهم وياي ماتتسولف ، ياهو بي خير حتى اكول اي ممكن هذا يختلف ..

نزلت واني متوتره ، درت وجهي علي يباوعلي بضوجه ، اندار على شباك بزعل ..

اني نزلت وكملت دربي للبيتنه ..

لكيت مرت خالي يمنه ، وجهه مزنبر وضايجه ..

من كلامها وهيه امي عرفت متعاركه ويه جنتها ..

غسلت وطلعت اتغده يمهن ..

مرت خالي تكول اكوللها كومي خلصي شغل بيت ، وهمي ايدج وياي ..

ترد علي صلفه تكلي تزوجت ابنج اني ماخذتوني خدامه ، اخدم رجلي وبس ، انا بيت مالي شغل بي عندج بنات يكفوو ..

اندارت على امي ترضيها يااعفاف ترضيهاا ، تاكل وتمسح اديها بالحايط ..

ردت امي ، اذا رجلها مرتاح وياها وملابسه نظيفه واكلته حلوه شعليج منهم ..

شنو شعلي والقران احرك دنياا عليهم شنو ماخذيها نتفرج عليها ، ما ذبينه عشر ملايين عليها ..

مهرها خيه شنو القصه ..

اني اكل ومبتسمه ، حجيت خاله خطيه شعليج منها ، والله واحد يحجي الحق عمتي ام فرقد جانت هيه وبنات يخلصن حتى شغلي ..