عشقهُ خنجر في خاصرتي

البارت الثالث والاربعون

_٤٣_

#عشقه_خنجر_في_خاصرتي

#بقلم_أسماء_ديمير_مع_Roro_Rose

ايمان ...

بعد محاولات من رعد وصلت بي كرر سالفه عرضته للخط مالتي ، ومشاكل الي لحقتها ، مره منهم شخط سيارته جدام الخط وكف الخط جان سوينه حادث لاسامح الله ..

فتح باب الخط وصعد عصبي بسرعه درت وجهي احاول اتجنب المواجهه وياه ، عاط بيه كوومي وياي كوومي اكلج ..

وكفت لحيلي ، وكتله والله يارعد اسويها عشاير وياك ، جووز  مني عاد لا تخرب السالفه بينه بالزايد ،  كافي لهنا وبس يابن ناس ماعندك شي وياي ..

لزمني حيل ويريد يجرني ينزلني جلبت بالكشن اعيط علي ..

موظفين صاحو علي يمعود جااي اسوي كاافي عاد شبيك جلبت البنت رفضه تنزل وياك  ..

هو يتهدد الي يدخل انعل والديه والله ادوس بطنه ..

جلب بي صباح كله هد بنت رعد عيب عليك خلي عندك كرامه ..

نكتت ايدي حيل منه ودفعته صحت بي والقران ماسكت هالمره ،  حدك وياي لهذا موقف وبس اني خليت خاطر للعشره بس انته فرد نوب مصختها ..

- مو على كيفج والله ، اضلين بااسمي يعني بااسمي ، لاتخبلني عليج ، لحد هسه جار ويااج بهدااي امشي وياي دنتفاهم ..

- ماكو تفاهم امشي منأ ..

رجع يريد يلزمني دفعو الموضفين يصيحون علي ، ويكلوله كلش واكفه الي جاي اسووي بنت فسخت منك جوز منها ..

ضليت كارصه بالكرسي الاخير اريد ابجي ، بس لزمت نفسي ماردت يشوف ضعفي ويتقوى عليه ..

عيشني برعب لمن وصلت للبيت اركض ركض ، ماجذبت ولا ضميت على امي ..

حجيت الها وجدو على الي سواه ، جدي كال افضل منا وجاي الخط تعوفي واحد منه ياخذج ويردج ..

الله اليعلم جوز يوزه شيطان ويخطفج ، كلشي يطلع منه هذا لان تخبل رسمي ..

باول الايام خالي ماقصر يوديني ويجيبني لحد.ما حيل شفتها صعبه ..

رجال تعب وياي اشوفه كوه يسوق وكوه يصعد وينزل بالسياره ، نوب بالازدحام وجه ينكلب احمر ..

- حاجيته تعبتك وياي خالو ..

- فدوه الج المهم انتي بخير ،