عشقهُ خنجر في خاصرتي

البارت الثاني والثلاثون

_٣٢_

#عشقه_خنجر_في_خاصرتي

#بقلم_أسماء_ديمير_مع_Roro_Rose

بهت وجهي ونداريت علي ضايجه .. نتر هو بيها قبل لاتكمل حجي ، ام علي توكلي يله لدربج ،  وكفتج هناا مو حلوه بحقج ..

ردت مارايده شي ما ناويه اخرب عشاك ويه حبيبتك بس حبيت اذكرك عندك اطفال ترى  وانته مسؤل عنهم  ..

رد هو مترهي ، مرتي ، رفع اصبعه بوجها مرررتي ، انتقي الفاضج ، وجهال ممقصر وياهم بشي لا طالبين باكثر من هيج يله تفضلي ياريت تنطينه مجال يله ..

جرت نفس حجت بالعافيه ، معناها من تزوجت نسيت جهالك...

كام وكف لحيله ، نتر بيها ، شلون يعني تمشين بالطيب لو اطلع وجهي ثاني لان انتي ماتعرفين بالاسلوب العدل  ..

ضحكت لايمعود كلشي ولا وجهك الثاني ، خاف تطفر المره شلون نحلها ...

نطتنه ظهرها ومشت بهدوء ، اني صافنه عليهم ، باين عالكه بينهم على سالفه جهال ، انداريت علي ، حجيت شجابها هناا مو على اساس بغير محافظه همه ..

جر الكرسي وكعد.ضايج ينافخ ، رد انتقلو  هنا قبل فتره ..

شبيهم اولادك هاملهم انته ..

ممقصر عليهم بالمصروف والله ، ومن يجون يمي اطلعم واونسهم بس هاي تريد تشمرهم علي ماتعرف شلون ..

سكتت ، دنجت اكل بهدوء وعدم شهيه ، ضل بالي اولاده شنو شعورهم وهمه بين اب وام منفصلين ..

والله لو علي اخذهم واربيهم ، شكو بيها ، اصلا اني ماعندي امل اخلف ، يمكن على كولت جدي عوض من الله ، و هم همه يلكون بيه ام حنينه تلمهم ..

خفت احجي بهل سالفه ويكب علي ، كلت خليها منا لوكتها ، بكل الاحوال اني مستفاده ..

سالته انته ماتريد خلفه ..

رد بضوجه اكره الاطفال ..

صدك تحجي اكو اجمل من الاطفال و تصرفاتهم ، زينه الحياه هم ..

كتلج اكرهم واكره الهوسه والمسؤليتهم ، بس ، باوع عليه ماعندي مانع تصير عندي بنتوه حلوه منج شكلتج ..

بهت وجهي مو تعرف وظعي انته ..

شدراج وره شهر من زواجنه تطلعين حبله ..

هاي شلون بالله رهكتها ..

قدر ربج بعد شدراج انتي ، ليش يصيبج اليأس ..

سالفه منتهين منها ودكتورات اكدن هالشي ..

عاد اني صاحب كفأه عاليه وطاقه خنفشاريه سوالف دكتورات ماتوكفني ..

ضحكت اكعد راحه سون سينا ..

عاد جون سينا ماعنده عضلات بطني سته صدك ماتردين تشوفيهن ..