عشقهُ خنجر في خاصرتي

البارت التاسع والثلاثون

_٣٩_

#عشقه_خنجر_في_خاصرتي

#بقلم_أسماء_ديمير_مع_Roro_Rose

مرام:
طلعت من بيت عمي واني ببالي فكرة ،  عسى تحل مشكلتهم ...

فتت على بيتنا لكيت امي وغدير كاعدين وحدهم ،  وهو مدد يكلب بموبايله وامي حاطه بنطرونه تلگطه اله شوي بي طول هذا قاط خطوبته !!

كعدت واني ارتب بالكلام واعيده ..حجيت ويه امي بقصد يسمع ....

-يمكن حيجون ناس لغصون هالايام

ذبت اابنطرون من حضنها وسالتني بفضول
-منو ؟؟

-ما اعرف رايحات لبيت نسابتهم هي وشدن ..

بطاريها نزل موبايله ومبين اذنه يمي ..كملت وياها
...هناك محاجين غصن يردون مره للشيخ

-صدك؟؟اللهم صل على محمد هذا نسيبهم يعني والله حظها حلو هالغصن ....زين مو جبير هو شفته من رحنا للمولد السووه قبل فترة ..خوش قسمه الله يسهل عليها كون الله يسعدها خوش بنات ويستاهلن الخير بنات ثامر

ضحكت بسخافة وحاجيتها

-تره خاطبين جنتج هم هههه كنت مسفهه السالفة واحجيها هيج اريد اغيضه وبس دا اسولف وكب علينا المغشم نفسه

-شوداها هي ؟؟

شمدريني خفت من عاط بينا وانكلب هيج ما ادري بي هيج ردة فعل عليها ولو هذا هو غدير محد يفهمه اجيت اكوم انهزم جلب بيه اني النوب!
-وين موليه احجيلي

كمش ايدي عصرها اني تألمت واريد افك ايده عني
-اني شعليه ذيج هي واحجي وياها ..

-اني اعرف شاسوي بيها ..بس احجي هسه منو هيج سوى وشلون ليش هي مو يعرفون متزوجة

-اني شمدريني ..كملت كلامي رغم دا اشوفه يحترك ..

هي زوجة اخوهن كايله يم اهلها رجلها ما يريدها ورجعها وتريد تتطلك مدري شلون ؟؟

نطت عينه ويريد ينفجر اخذ نفس وفكني

-روحي جيبيها ؟

-شاجيب

-كولي الها نروح لبيت جدي ، اي شي طلعيها من بيتهم

-الدنيا مغرب وانت تعرف بنات عمي ثامر ،  تذبحهن ما يطلعن وقت غروب ،  امهم زارعة بيهن خوف..

-اي بس تعرف تدز بيهن تعرضهن للاوادم والله لا اهجم بيتهم على راسهم ....اجا يطلع جريته