كان نادر قد عاد مره اخري لانه قرر ان يجعل ضخى تذهب لتري هديته بنفسها ولكن عندما عاد شاهد ضحى وهي ترقص وتتمايل علي الانغام الهادئه برفقه آسر مما اثار غضبه و صعق عندما شاهد ضحى وهي ترقص بين يدي آسر ويظهر علي ملامحها السعاده الشديده وتضحك بصوت مسموع فغلت الدماء في عروقه وشعر كأن هناك من اشعل نيران في قلبه ثم قام بالاتجاه نحوهما ......
نادر بأغتياظ : لو خلصتي المسخره دي ممكن تيجي معايا...
ضحى : انت بتتكلم كده ليه يا نادر؟
آسر : بالراحه ياعم انت سخن كده ليه ما تسيبنا نرقص الله.
نادر بعصبيه : ترقص ايه يا بابا انت ... تسيبها دلوقتي حالا اصلا بدل ما اطبقلك وشك.
آسر : ايه يا عم انت جاي علينا زي القضي المستعجل ووشك محمر كده ليه هي كانت تخصك؟
ضحى بضيق : لو سمحتو انتو الاتنين بس الناس بتبص علينا بطل يا نادر اللي انت بتعمله ده ولو سمحت يا آسر تسكت.
آسر وهو ينظر اليها: ده عشان خاطرك انتي بس يا جذرتي.
نادر وقد امسك بياقه آسر : انت لو نطقت الاسم ده تاني علي لسانك انا هقطعهولك.
آسر : انت قد اللي انت عملته ده علي فكره انا ممكن ابيتك ف الحبس.
نادر : لا احنا مش ف ام الدنيا يا حبيبي احنا مش في مصر ولو زودت الكلام تاني انا هعمل تصرف مش هيعجبك....
آسر : طب وريني التصرف ده عاوز اشوفه..
ضحى بعصبية : آسر لو سمحت بطل اسلوبك ده انا خلاص مش عاوزة ارقص مع حد يلا يا نادر.
آسر : روح اقعد مع الولايه يلا ما انت شبههم.
نادر وقد وجه له لكمه : احترم نفسك يا ****
ضحى بصدمه : ايه اللي انت هببته ده انا اسفه يا آسر لو سمحت تروح تغسل وشك.
آسر : اقسم بالله يا ضحى كل ده عشانك انتي وزياد بس...
ضحى بأسف : وانا عارفه ده ومقدراه ميرسي يا آسر بجد علي ذوقك...
آسر : عن اذنك يا جذر...
وبعد ابتعاد آسر بخطوتين..
نادر : مين بقا اللي شبه الولايا يلا يا بنتي...
ثم قام نادر بسحب ضحى من ذراعها واجلسها علي الطاوله المخصصه لاسره الشافعي .....
