قررت ضحى ان تقوم بأيقاف كلا من نادر ولبني ورفضت ان تقف مكتوفه الايدي وهي تراهما يضيعان حياه اشخاص لا ذنب لهم بأن هناك اشخاص لا تعرف قلوبهم الرحمه واخذت تفكر كيف يمكنها ان تكشفهما فلم تجد امامها سوي قسم الشرطه فقررت ان تذهب الي هناك وترفع علي كلا منهما محضر فلعل ان تتمكن الشرطه من مساعدتها في القبض عليهما وكشف تلك الخطه القذره التي وضعوها ثم اتجهت بخطوات سريعه خارج دوار العمده متجهه نحو قسم الشرطه وهناك ...
ضحى : صباح الخير
امين شرطه : صباح النور خير يا انسه؟
ضحى:عايزه أبلغ عن حد.
امين الشرطه : طيب ثانيه واحده اخلص ورق قدامي واشوف انتي عاوزة ايه تقدري تتفضلي هناك.....
ضحى : اها اوك ميرسي اوي.
جلست علي اريكه من الجلد موضوعه في جانب من جوانب ذلك القسم الضحم ثم انتظرت ان يفرغ امين الشرطه من عمله اولا حتي تتمكن هي من فعل ما تريد ولكن طال هذا الحال طويلا فقد انتظرت ضحى الي ما يقرب الساعه والنصف بلا جدوي ثم استجمعت شجاعتها وقررت ان تذهب لتسأله مره اخري اذا فرغ من عمله ام عليها الانتظار...
ضحى بنبره جاده وقد وقفت امامه : احم .. لو سمحت انا كنت عاوزة اسأل حضرتك لو ينفع اعمل المحضر دلوقتي...
امين الشرطه : .........
ضحى بنفاذ صبر : لو سمححت...
امين الشرطه بعصبيه : ثواني يا انسسسسه ما قلتلك استني اصبري عليا هو انا هطير ما انا قاعد اهو اخلص شغلي واعملك اللي انتي عاوزاه...
ضحى بغضب : ممكن حضرتك توطي صوتك شويه وبلاش نرفزة وثانيا انا عاوزة بس اعرف ايه هي الاجرائات اللي لازم اعملها عشان المحضر او ممكن تقولي بس اعمل المحضر ده منين او مين ممكن يساعدني اعمله...
امين الشرطه : انتي هتعلميني اتكلم ازاي يا استاذه خليكي قاعده بقا للصبح هنا وريني هتعملي ايه...
ضحى بضيق : متشكره..
امين الشرطه : العفو.
ضحى في نفسها : اوووف بقا هو انا شكلي مش هخلص كده يارب تبعتلي حد يساعدني بقاا.
في نفس الوقت في القسم في مكتب الرائد آسر فهمي..
آسر وقد قام بأستدعاء العسكري : ايه الدوشه اللي برا دي يا حسنين...
حسنين : ابدا يا آسر باشا ده في بنت جت تعمل محضر و امين الشرطه قالها استني بس هي استعجلت بقا وانت عارف صابر يا باشا دايما عصبي...
