إثبت نفسك لنفسك وليس للآخرين......
صباح يوم جديد.....
جاء إتصال للميس يخبرها أن المسابقه اليوم قفزت لميس بحماس واستعدت وفتحت التلفاز وجدت اسمها معروض لميس السيوفي فرحت لميس وقالت:يااارب افوز.
بينما في الجهه الآخرى........
نادى ياسر على عائلته التي أتت فأشار للتلفاز وجدوا اسم لميس في المسابقه تعجبوا كثيرا.
دعاء:هى لميس شاركت في مسابقه طبخ؟!
ياسر بابتسامه:ومش اي مسابقه دي مسابقه المفروض انك تخلصي في الوقت المحدد ويشوفوا مين افضل طبق..
عمار بتساؤل:المسابقه امتى؟
ياسر:انهارده الساعه سبعه.
الاب:جهزوا نفسكوا كلنا هنروح ليها مكان المسابقه.
ابتسم الجميع بينما اڜتاقت دعاء كثيرا للميس وتعد الثواني لتراها.
*********************
صدقني إن لم تعشق مجنونه لن تعرف معنى الحب في حياتك.......
كانت ضحى ومريم جالسين في مطعم يتحدثون قليلا فقالت مريم:هتروحي انهارده على ڤيلا الشافعي.
ضحى بتذكر:أه دا نسيت خالص هو انهارده مش الجمعه؟!
مريم بضحك: لأ الجمعه كان امبارح اللي احنا كلنا خرجنا فيه.
ضحى: لأ صحيح انهارده مش هروح لأنهم مش هيكونوا فاضين واحنا اتفقنا كده امبارح....
طب هنعمل ايه المفروض كنا نجيب حاجات الفرح بتاعك انتي وأسماء موده.
مريم:اهدي يا حجه لسه اياد ورامي هيتقدموا ليهم انهارده.
ضحى بضحك:ايوه ما انا عارفه دلوقتي موده وأسماء مفحوتين في الشقه بيروقوها ههههه.
مريم بسخريه:بتضحكي عليه إيه ماحنا المفروض دلوقتي نجيب حاجات الضيافه.
ضحى وهى ترتشف من العصير:طنط منى دلوقتي مفكره أن إحنا بنتسوق نجيب طلبات الضيافه واحنا قاعدين في مطعم واخر حلاوه.
مريم بضحك:طب يالا ياختي بدل ما نلاقي زياد وعابد بيدورا علينا ويقفشونا اتأخرنا ليه.
ضحى:الواحد نفسه يتخطف والله ويعيش زي الروايات....
أكملت مريم:والبطل يعذبك وتشوفي على أيده السواد وفي الاخر يحبك ويقعد يعتذرلك وفي الاخر هي هتكون معدومه الكرامه وتوافق لأنها للاسف بتحبه والاسطوانه الخربانه اللي الكل عارف احداثها.
