اعترف نادر لضحى عن حقيقه مشاعره تجاه لبني وانه قرر ان يعود كما كان في السابق ثم قررت لبني ان تعلن لضحى عن خبر زواج كلا منهما ...
لبني : اظن ان الكلام بقا واضح لا لا استني اسمعي كمان بقا المفاجأه اللي اتفقنا عليها قولها يا ندورتي..
ضحى : ما تقول يا ندورتها
نادر : بصراحه انا .. انا بحب لبني وهتجوزها اخر الاسبوع ده ......
ضحى بصدمه : اييييييييه
نادر : زي ما سمعتي تمام يا ضحى
ضحى بإحتقار وغضب : انت ازاي طلعت بالحقاره دي طبعا مهو ديل الكلب بقا....
نادر بعصبيه : احترمي نفسك يا بت بدل ما ...
لبني متدخله : باابي ريلاكس وسيبهالي ... سوري يا ضحى انا مش معوده خطيبي يكلم حد غريب بس ايه رأيك ف المفاجأه تجنن صح عشان تبقي تدخلي معايا ف منافسه تاني ايه رأيك بقا مين اللي ضحك ف الاخر
ضحى بعدم فهم: منافسه ايه .. انا مش فاهمه اي حاجه
لبني : لا يا شييخه اعملي نفسك عبيطه اوي يا ميا من تحت تبن انتي حربايه وفاهمه كل حاجه انا بقولها كويس اوي اعمليهم علي حد تاني يا بت الا عليا انتي اصلا حدايه وكل شويه تلفي علي واحد لفيتي علي رأفت الشافعي عشان خاطر يدخلك المستشفي اللي مكنتيش تحلمي تمسحي فيها السلالم وبعدين سبتيه وقلتي تلفي علي ابنه ده احنا حتي يا شيخه واحنا ف الكمين كنتي هتلفي ع الظابط انا احب السرعه ف الاداء دي وكمان لفيتي علي جوزي...
ضحى وهى تشعر أن عقلها سينفجر لتصرخ بها وهى لا تفهم شئ : جوزك مين انتي بتتكلمي ف ايه .. وبعدين انتي ازاي تسمحي لنفسك انك تتكلمي معايا بالشكل ده و ايه الفيلم الهندي البايظ اللي انتي لسه قايلاه من شويه ده ااه ما اكيد ده سيناريو من قصه حياتك الزباله اللي لسه قيلاها من شويه ما انتي اكيد واخده علي انك تلفي ع الرجاله وتضحكي عليهم وتقتليهم مش كل الناس زباله زيك فوووقي انتي انسانه معقده اقسم بالله ما طبيعيه مش ممكن تكوني عاديه ابدا وتيجي تتكلمي معايا وتتهميني الاتهمات القذره دي وكمان بعد ما اعترفتي انك كنتي هتقتليني جايه تبجحي وليكي عين اصلا تحطي عينك ف عيني ده ايه ياربي البجاحه دي اوعي تحطي ف بالك يا ماما اني هخاف منك انتي انسانه معقده وانا مش عارفه بصراحه ايه اللي دخلك كليه طب انتي مش ممكن تكوني دكتورة ابدا انتي مش فاكره القسم اللي اقسمناه يا هانم انتي اتعقدتي من بعد اللي حصل معاكي ولازم تاخدي العقاب بتاعك ودي عندي انا بقا متخافيش وكمان عاوزة تجري ف سكتك ناس تاني بس اللي عاوز يبقي زباله هيبقي زباله بأرادته ومحدش بيغصبه ربنا يهديكو ...
