لا تطلب الاهتمام من أحد فلن يهتم بك إلا قلب يحبك............
دخلت ضحى الى غرفه رأفت وجدت الجميع جالس ماعدا نادر....نظرت إليهم ضحى بإستغراب:خير في حاجه ولا إيه؟؟!!
رأفت بهدوء:اقعدي يا بنتي...
جلست ضحى وهى تنظر إليهم بإستغراب:هو في حاجه ليه كلكو بتبصولي كده؟؟!
إياد:الصراحه أه عايزينك في موضوع بس قبل ما احنا نتكلم في موضوعنا في حاجه انتي عايزه تقوليها؟
ضحى وهى تنظر إليه بعقدت حاجب ثم قالت:
الصراحه أاه كنت عايزه أكلمكم عن بشمهندس نادر....
نظر إليها الجميع بترقب واهتمام فأكملت ضحى:البشمهندس متهيألي أن هو رجع أحسن من الأول يعني انا خلاص معنتش حابه أن انا اتظاهر اني صديقته وكده وهو خلاص رجع شغلوا وبيرجع لربنا واحده واحده يعني خلاص معتش ليا شغل معاه رغم اني معملتش حاجه غير اني اتكلمت معاه وفهمتوا أن هو يركز على الناس اللي بيحبهم وهو فهم الكلام الموضوع ده يعني مكنش حوار كبير زى ما كنت فاكره.
صمتت ضحى ونظرت إليهم وجدتهم ينظرون إلى بعضهم فقالت ضحى:الداده كانت بتقولي أن حضرتك كنت عايزني.
رأفت بقله حيله وهو ينظر لأولاده: الصراحه يا بنتي احنا كنا عايزينك في موضوع نادر.
عقدت ضحى حاجبيها بإستغراب فقال أنس:
احنا مش هننكر انك انتي اللي أثرتي على نادر بس احنا عايزينك تأثري عليه أكتر بخصوص حاجه تانيه.
ضحى بعدم فهم:حاجه بخصوص ايه؟؟
أدهم بترقب:علاقاته مع البنات.
نهضت ضحى بصدمه وقالت بالوعي:نعممم
هو نادر لييه علاقات مع بنات؟
أومأ الجميع بضيق فقال رامي:بصي هى مش علاقات بالمعني بس هو بيكلم بنات من ساعه اللي اسمها ساره دي ماتت و........
لتقاطعه ضحى بغيظ شديد:كماااااان وعاملي فيها رميو العاشق اللي حياته ادمرت وهو مقضيها مع بنات وانا بقا الهبله اللي مفكره أن هو يا عيني مش عايز يتجوز احتراما ليها ومكنش عايز يشتغل علشان أتأثر بموتها لأ انا عرفت فعلا أن انا غلبانه.....
لتهدأ ضحى قليلا لتتحدث بغضب شديد حاولت اخفاؤه ولكنها فشلت:طب وانتو بتقولي ليه انا ايه اللي مطلوب مني!!!؟؟؟
ندى بضحك:انك تطلعيه من اللي هو فيه.
وتخرجيه من القرف اللي هو عايشه.
ضحى بلا وعي وعفويه:انا لو هخرجه هخرجه على الترب وجنازته.......
