وصلت السيارات إلى المكان المقصود وهو مكان قريب من الغابه قليلا وكانت سياره نادر متقدمه عن الجميع.....
وقفت سياره نادر أمام منزل ليس بكبير ولكنه جميل جدا والحديقه كانت رائعه ومليئه بالذهور المتنوعه.
نادر بهدوء: وصلنا.
نظرت ضحى للمكان وقالت بإستغراب:هو ده المكان.
نادر بسخريه:ايه مش عجبك.
ضحى بسرعه: لأ مش قصدي بس هو بيت واحد.
نادر:أه.
ضحي بغضب:نعممم يا خويا...يعني احنا كلنا هنقعد في بيت واحد ازاى.
نادر ببرود:زى الناس.
ضحى:أنا مستحيل اقعد معاك في بيت واحده.
نادر بمشاكسه:أنا بقولك كلنا هنقعد في بيت واحد في في اوضه واحده.
خجلت ضحى بشده وغضبت أيضا بشده كم هو جرئ ووقح وايضا أصدقائها كانوا ينظرون إليه بدهشه هم حقا اتفقوا أنه وقح.
موده:احم خلاص يا جماعه صلوا على النبي.
الجميع:عليه افضل الصلاه والسلام.
أسماء بهدوء:بس البيت جميل ماشاءالله بس باين عليه صغير واحنا عددنا كبير.
مريم بهدوء:هو في كام اوضه يا بشمهندس.
نادر بهدوء:في تلات اوض.
ضحى بغضب:كمان وهنام ازاى بقا في تلات اوض دا احنا البنات سبعه والشباب ثمانيه يعني كلنا على بعضنا 15 طبعا دا غير يوسف ابن چنى هنتقسم ازاى يا أذكى اخواتك.
نادر ببرود:ايه انتي محرومه كلام جايه تتكلمي هنا افصلي شويه البنات في اوضه والشباب في اوضه تانيه وبابا في اوضه لوحده وهتكون متجهزه زى المستشفى وعلشان تاخدى راحتك ومحدش يكون موجود في الاوضه وانتي بتعالجي بابا.
نظرت إليه ضحى بغيظ وصمتت ولم تتحدث.
بينما كان الجميع كان ينظر إليهم وهم يحاولون كتم ضحكاتهم على منظر ضحى ولكن موده كانت تفكر هى واسماء من هذا ولما يتحدثون مع بعض هكذا....فهم لا يعرفون أي شئ عن نادر لأن ضحى لم تخبر أحد سوى مريم فقط وكانت تريد اخبار صديقاتها ولكنها نسيت.
أسماء:هو في كام سرير في الأوضه.
نادر:خمس سراير ظبطوا بقا نفسكوا.
اومأت الفتيات.
فتحدث نادر وهو يتعمد مضايقه ضحى:شوفتي اصحابك هاديين ازاى مش زيك كل كلمه بتقلبي زي الكلب المشرد.
نظرت إليه ضحى بصمت ولم تتحدث ولكن اصدقاء ضحى تحدثوا في وقت واحد:ما تحترم نفسك يا بشمهندس.
موده:علفكره هى صديقتنا واحنا مش هنسمحلك تغلط فيها مفهمووم.
نادر وهو ينظر بضحك:أنا سحبت كلامي خلاص
ثم اكمل بهدوء:يلا ننزل.
