تقتلني الغيره عليه وفجأة أتذكر أننا مجرد أصدقاء.. فالمرأة تكتم الحب لسنوات ولا تكتم الغيره ساعه واحده...
كانت علياء تراقب نادر بعينيها وتري مع من هو يتحدث وعندما رأته مع تلك الفتاه التي لا تعرف من تكون ثار غضبها وخصوصا ان ضحى كانت في غايه الجمال والرقه ثم قررت علياء ان تفسد اليوم علي كلا منهم وبدأت في الاقتراب منهما و ....
علياء بمياعه وقد جلست بجوار نادر : صباح الخير يا ندورتي كده برضو متجيش تسلم عليا زي كل يوم ده انا لولا حبيبتك.
نادر بأستغراب : نعمممم !! وانا من امتي بسلم عليكي اصلا انا مش قولتلك امبارح تنسي انك تعرفيني بدل ما هزعلك واوعي كده ابعدي شويه ميصحش اللي بتعمليه ده.
علياء وقد امسكت بيد نادر : الله يا ندورتي عليك وانت بتهزر بقا طبعا اتخنقت من الجو اللي هنا وعاوز تمشي بصراحه عندك حق واحده لابسه ستاره طويله ومش باين منها غير وشها ياااي لبس بيئه اووي وقاعده مع نادر الشافعي ازاي يا ماما بمنظرك ده اوووف ايه القرف ده يلا بينا من هنا يا ندورتي انا هفرفشك ونروح نقعد مع شادي شويه زي زمان ونسهر للصبح هناك او نطلع الساحل وسيبك من الزباله اللي انت قاعد معاها دي ...
نادر بعصبيه وبصوت جهوري : ما تحترمي نفسك يا بت انتي شكلك اتهبلتي ف دماغك ع المسا كده حطي لسانك جوا بوقك بقا وطريقك زراعي هوينا انتي بس والدنيا هتحلو بدل ما وعزة جلاله الله همد ايدي عليكي ...
علياء بنرفزة : كل ده يا نادر عشان البيئه دي انت مش فاكر انت كنت عامل معايا ازاي والا احب اجبلك شادي يفكرك انت شكلك نسيت مين علياء صفوت وبعدين انت سايب النادي كله والبنات اللي بتموت فيك وقاعد مع دي هه سبحانك يارب صحييح الحظ لما يواتي يخلي الاعمي ساعاتي ( مثل شعبي ).
نادر وقد كور قبضه يده وكان علي وشك صفع علياء : لاااا بقا ده انتي مش هتجبيها لبر ..
استوقفته ضحى وامسكت بيد نادر الذي كان علي وشك صفع علياء.
ضحى بهدوء : ثواني يا نادر استني بس كده انت ... ثم وجهت الحوار اللي علياء..
ضحى بكل برود : خلصتي.
علياء بسخريه : انا لو فضلت اتكلم من هنا للصبح مش هخلص الكلام فيكي ولا حد يقدر ينجدك مني لحد ما تجيبي اخرك عاوزة اي من نادر.
ضحى : عاوزة ايه من نادر !!! ممممم طب اسمعي بقا يا امورة اولا انتي انسانه تافهه بتضيعي فلوسك علي حاجات استغفر الله وعمالا تتباهي بالقرف اللي اتي بتعمليه وكمان نازله م الصبح كلام اهبل بترميه ومش عارفه نتيجه الكلام ده ايه وبعدين انتي بمنظرك ده تتكلمي علي لبسي انا والله انا عارفه اصول ديني كويس وان مينفعش البنت تبقي لابسه حاجه هتفرقع عليها مهو لو انتي يا استاذه عارفه دينك كويس زي ما انتي شاطرة بس ف انك تيجي تبجحي ف الناس اللي متعرفيش هم يبقو مين وايه عواقب الكلام معاهم بالطريقه دي كان زمانك مبقتيش فاتحاها علي البحري كده واللي رايح واللي جاي يتفرج علي منظرك ده بذمتك مش مكسوفه ده انا مبقعدش كده ف البيت وعلي رأي المثل اللي بيتو من ازاز ..
