بدأ نادر في السير قليلا املا في ان يجد شخص ما يساعده ولكن كانت المفاجأه بأنه سمع صراخ !!!
نادر في نفسه : اييييه الصوت ده صلاه النبي احسسن ده شكله كده عفرريت تكونش دي النداهه .. لالا ايه الهبل اللي بقوله ده نداهه ايه اجممد يا نادر ما عفريت الا بنيئادم ...
لم يهتم نادر للصراخ في بدايه الامر ولكن تكرر بشكل مستمر مما اصاب نادر بالقلق ...
نادر : لا ده كده في حد ممكن يكون حصلت معاه مشكله وبعدين ده صوت بنت لا انا لازم اتصرف استرها يارب.
بدأ نادر في الاقتراب من مصدر الصوت الي ان وجد ....
نادر بصوت جهوري : م ..مش معقوووول ضحااااااا !!!
انتبهت ضحى لمصدر الصوت ولكنها لم تستطع ان تعرف من هو ذلك الشخص الا بعد بضع ثواني ...
ضحى بصريخ وبكاء :آآآ انت ... انت نااادر .... الحقني يا ناااااااااااادر..
كانت ضحى تركض وهتصرخ لتستنجد بأي شخص ليقوم بمساعدتها ولكن عندما سمعت صوت ما ينادي عليها بأسمها وقفت مكانها ولم تتحرك ثم اخذت تلتقط انفاسها من الركض وما ان رأت ملامح ذلك الشخص وعلمت بأنه نادر حتي جرت نحوه واختبئت خلفه وهي في حاله من الرعب الشديد .....
ضحى وقد اختبئت خلف نادر : آآ الحقني يا نادر.
نادر بفزع : في اييييييه يا حبيبتي ايه اللي جابك هنا وليه بتجري وخايفه بالشكل ده بس يا ضحى اهدي.
ضحى وهي تنهج : الحمد لله اني لقيتك يا نادر والنبي الحقني منهم..
نادر : يا بنتي مالك مكلبشه فيا كده ليه وبتعملي ايه هنا وعماله تترعشي هم مين دول اللي انتي خايفه منهم..
ضحى بصوت متقطع وهي تشاور بأصبعها : من ..منهم..
نظر نادر اللي حيث تشاور ضحى فوجد هناك شخص ما ولكنه كان ضعيف البنيه ويمكن حتي لفتاه مثل ضحى التي ضربت رجال ابراهيم ضربا مبرحا ان تقوم بضربه بكل سهوله...
نادر وهو ينظر لضحى : يا شيييييخه وقفتي قلبي بقا هو البرص اللي هناك ده اللي مخوفك اوعي يكون الكلب ده عملك حاجه يا ضحى وبعدين ليه حاطه ايدك علي وشك كده..
ضحى وهي تنهج : لا ... لا مش ده اللي وراه بقا
نظر نادر مره اخري ليري شابان اخران في غايه القوه مما اثار خوف نادر علي ضحى فضحى مستحيل حتي أن تهزمهم.
نادر : هم دول اللي مخوفينك؟
ضحى وهي تحرك رأسها بالموافقه : اها.
