كانت موده ورامي يتحدثون في الهاتف...
رامي بغيظ:مستني اليوم اللي أخوكي هياخد على دماغه فيه علشان يحل عننا بقا دا طلع رخم اوووي..
موده بضحك:انت بتتكلم عن أخويا علفكره....
رامي:اخوكي ايه بقا دا شبه عفريت المصباح والله دا انا مش بعرف أكلمك كلمتين على بعض...
قاطع حديثهما صوت طرق على باب غرفه موده فسمحت للطارق بالدخول فدخل عابد وقال بابتسامه:بقولك ايه يا ميمو هو انت لازم تتجوزي الواد المقشف ده....
سمعت موده صوت رامي عبر الهاتف وهو يتمتم بصدمه:مقشف؟؟!!
كتمت موده ضحكتها وقالت:عاجبني يا عبودي..
رامي بضحك:أيوه بقاااا...
ضحكت موده...فنظر إليها عابد:يتك القرف عليكي وعليه انا عايزك تخفي علشان اخد اوضتك..
موده:وحيات خالتو امشي يا عابد روح مطرح ما تروح يالا اتكل على الله...
عابد:يختي قال يعني قاعد في جنه أنا أصلا هسافر لزياد علشان محتاجني...
موده:تروح وترجع بالسلامه...
خرج عابد فتحدث رامي بفرحه:اخوكي هيسافر دا معناه أن أنا هعرف استفرد بمراتي شويه مش كده...
موده:إن شاء الله عند ام جلامبوا.....
رامي:وربنا انت مراتي يابت مرااااااتي....
*_________________________*
عند ضحى
وبينما هي غارقه في افكارها ااااذ بشخص ما من الخلف
الشخص : الحقيننني يا دكتور
ضحى بفزع : في اييه .. مين حضرتك
الشخص : مش مهم انا مين دلوقتي في واحد ف بيت ف القريه تقريبا كده چاتلو ازمه جلبيه ومحتاچ مساعده...
ضحى : يا سااتر يارب طيب هو ف المركز
الشخص : لا لا مش ف المركز بس هو ف البيت بتاعه مقدرش ينزل يروح المركز وانتي داكتوره جلب ممكن تساعديه بسرعه والنبي يا داكتوره
ضحى باستغراب : وانت عرفت منين اني دكتوره قلب؟
الشخص بتوتر : ها .. ولاد الحلال جالولي مش وقتو سين وجيم يا داكتوره دلوكيت الچدع بيموت..
ضحى بقلق وخوف: طب .. طب ممكن تشوف حد تاني غيري...
الشخص : لا انا مش فاضي ادر علي دكاتره انا اخويا بيموووت...
