الطبيب : حضرتك تقربلها ايه؟؟
زياد : انا ابقي اخوها.
الطبيب : اهلا وسهلا بحضرتك.
زياد : يا اهلا بيك.
الطبيب بأسف : هي خدت رصاصه كانت بينها وبين جدار القلب مافيش وكانت العملية صعبه بس الحمد لله ربنا كتبلها عمر جديد بس لازم ترتاح اسبوعين علي الاقل ف المستشفي وبعدها تقدر تمشي بس لازملها راحه تامه ف البيت.
زياد بترقب : تمام يا دكتور يعني هي دلوقتي حالتها مستقره؟؟
الطبيب : ايوا الحمد لله هي خرجت من مرحله الخطر.
زياد بارتياح : الحمد لله.
عابد بتساؤل: طيب وبالنسبه للزياره؟
نظر إليه الطيب : الزياره حاليا ممنوعه لحد ما هي تفوق بس قريبكوا ده االلي كان معاكوا
زياد مقاطعا : معلش يا دكتور انا بعتذر ده يبقي خطيبها.
الطبيب : ااه هو بصراحه محدش قدر عليه ده كان هيموت الممرض ما علينا هو مسموح ان حد واحد بس يبات معاها ف الاوضه وتقدر حضرتك تدفع المصاريف تحت.
زياد : انا متشكر اوي يا دكتور.
الطبيب : لا ده واجبي ... بس لو تسمحلي.
زياد : اتفضل.
الطبيب : هو حضرتك ليه سايب رجلك بالشكل ده؟
زياد : انا كنت مستني بس اتطمن عليها
الطبيب : ايوا بس كده خطر عليك وعلي صحتك هي دي شكلها طلقه برضو.
عابد : بالظبط يا دكتور.
الطبيب : طيب وطلقه وسايبها كده انت لازم تعمل عمليه فورااا.
زياد : ايوا بس....
عابد متدخلا : مفييش بس انت لازم تسمع كلام الدكتور حضرتك هتعملهاله امتي يا دكتور؟
الطبيب : بالحاله اللي هو فيها دي ممكن كمان ساعه لان مرحلتوا خطيره جدا دلوقتي انا هقول للممرضات يجهزوه للعمليه.
آسر : وهو كذلك خلاص يا زياد روح شوف هتعمل ايه وعابد هيروح معاك وانا هقف مع ضحى متخافش يا زياد كلنا معاكوا....
زياد وهو يحتضن آسر : حبيبي يا عم آسر متزعلش مني ياض والله ما كنت اقصد.
آسر : انت اهبل يا زميلي انا ازعل منك ده احنا اخوات يا جدع يلا شد حيلك انت بس كده وان شاء الله تقوم بالسلامه من العمليه دي.
