Unicode:::
နိုင်သည် ကားကို စင်၀င်အောက်တွင်ထိုးရပ်လိုက်သည်။ သူအမြဲရပ်နေကြ နေရာတွင် တစ်ခြားကားတစ်စီးရပ်ထားသည်။ ရိုင်းရဲ့ကားလို့ထင်ရတာဘဲ။
အိမ်ထဲကို လေချွန်ရင်းဖြင့် တက်တက်ကြွကြွလှမ်း၀င်သည်။ ဧည့်ခန်းထဲတွင် မေမေနဲ့ရိုင်း စကားလက်ဆုံကျနေသည်ကို မြင်ရသည်။ နိုင်သည် ရိုင်းကို အထူးတလည် ဧည့်ခံ နှုတ်ဆက်မနေတော့ပေ။
မေမေ့မှာ ဒီနေ့ချိန်းထားတဲ့ ဖဲဝိုင်းမရှိ၍ ဖြစ်လိမ့်မည်။ ဖေဖေက မယားငယ်အိမ်မှာသောင်တင်နေလိမ့်မည်။ ဒါက သူ့မိသားစုကလူတွေရဲ့ နေ့စဉ်ဖြတ်သန်းပုံ။ မိသားစုထမင်းစားဝိုင်းကလည်း စိုစိုပြေပြေမရှိလှ။ ၃ယောက်လက်စုံစားခဲ့ဖူးသမျှ လက်ချိုးရေ၍ရသည်။ အဖေနဲ့ အမေဆိုလျှင်လည်း မျက်နှာချင်းပင်မဆိုင်ကြတော့။ တစ်ယောက်နှင့် တစ်ယောက်တွေ့သည်နှင့် ရန်ဖြစ်ကြသည်။
နိုင်တွင် ငွေရှိသည်။ လိုချင်တာရသည်။ သို့သော် ပျော်ရွှင်မှုတော့မပါ၀င်ခဲ့။
"နိုင်....ဒီမှာရိုင်းရောက်နေတယ်။ "
"ကျနော် မအားဘူး"
နိုင်သည် ထိုသို့ အေးစက်စက်ပြောကာ အိမ်ပေါ်သို့ တန်းတက်သွားသည်။ ရိုင်းနှင့်အတူ အမေသည် နိုင့်ကို မျက်စိတစ်ဆုံးလိုက်ကြည့်နေသည်။
"သမီးလေးက နိုင့်ဆီ လာလည်တာမလား။ လိုက်တက်သွားလိုက်လေ"
"မဟုတ်ဘူး အန်တီ။ ဒီဖက်မှာ ခိုင်းထားတဲ့အလုပ် အဆင်ပြေပြေဖြစ်လို့ ပိုက်ဆံလာရှင်းတာပါ။ အဲ့တာလမ်းကြုံလို့ ၀င်လာတာ"
ရိုင်းသည် သူလုပ်ခိုင်းသော အလုပ်ကြောင့် ခေါင်းပေါက်သွားတဲ့သူကို ဆေးဖိုးဝါးခပေးရင် နိုင့်အိမ်ကို၀င်လာခြင်းဖြစ်သည်။
၀မ်းနည်း၀မ်းသာ နိုင့်မျက်နှာကို ရိုင်းမြင်ချင်သည်။
ရိုင်းသည် ခပ်ညံ့ညံ့မိန်းမတစ်ယောက်မဟုတ်။ ခြေတစ်လှမ်းအမြဲပိုသွက်သည်။ ရိုင်းလုပ်သမျှ ခုတ်ရာတစ်ခြား၊ရှရာတစ်ခြား ဘယ်တုန်းကမှမဖြစ်ခဲ့။ အကွက်ကျကျစီစဉ်တတ်သည်။ စားကွက် နိုင်ကွက် မှန်သမျှလည်း မြင်တတ်သည်။
YOU ARE READING
Pyit Taing Htaung
Romanceအလှစစ်ကိုနှလုံးသားဖြင့်ကြည့်ပါ...... See true beauty with your heart 💕 အလွစစ္ကိုႏွလုံးသားျဖင့္ၾကည့္ပါ...... Cover crd from pinterest 🎭 Complete (U&Z) Start-20.10.2021 End-31.3.2022
