فيها ايه لما الواحدة تتجوز مرة واتنين وثلاثة ، فيها ايه لو تتجوز وهي عندها ٤٠ أو ٥٠ أو ٦٠ أو حتي مئة سنة ..
انتم مالكم بيها هل انتم هتصرفوا عليها ، هل عائشة في بيتكم ، هل اتجوزت منكم .. بتتدخلوا ليه
مفيش حاجه اسمها " شوف الولية خرفت علي كبر " أو " شوف عايزة تتزوج بدل ما تربي عيالها " أو " واحدة غيرها كانت قالت يا حيطة داريني " أو " شوفوا هتتجوز و ابنها او بنتها طولها " ..
كل ده كلام سم بترموه و انتم متخلفين مش عارفين نتائجه ، انتم اللي حرام عليكم لما تبقوا ضد شريعة ربنا في الأرض ، انتم اللي حرام عليكم لما تبقوا عايزين تحكموا علي واحد أو واحدة بالوحدة بقيت عمرهم لأسباب متخلفة و عادات أكثر تخلف فضلتم تحفظوها جيل بعد جيل ...
محدش كبير علي الاحتواء و الحنان و الالفة و الود انتم اللي مش داريين أو قلوبكم عمياء !!!
سيبوا النساء في حالهم و اتقوا الله شوية بقي كل كلمة قولتوها والله و الله هتتحاسبوا عليها يوم القيامة ..
هتتحاسبوا علي كل دمعة و كل كسرة نفس .
أنت تقرأ
رقائق 2
Sonstigesمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي ، أضعه بين أناملكم 💙
