- أما أنا عملتلك صينية بطاطس هتاكل صوابعك وراها عارفها مانتي أكلتهالي الأسبوع اللي فات - إيه ده وصوابعك لسه معاك ؟ إيه مالك ؟! - مش عاجبني اللي بتعمليه ده - إيه مش عاجبك طبيخي ؟!
= إنتي فهماني كويس .. النهاردة مش الدور على وفاء في المطبخ ؟
لااا ، الكلام ده كان زمان قبل أنا ما أجي هنا .. أنا سبتك بس أسبوعين عشان كنت لسه عروسة من هنا ورايح أنا المسؤولة عن كل شؤون البيت
أنا مش موافق = بس
- أرجوك يا حمدي أنا عارفة بعمل إيه
= طب أحب أعرف معاكي
- يا حمدي دي مسألة حساسة ، أنا بدخولي البيت هنا الازم الأولاد يحسوا بتغيير لازم يحسوا إني ريحتهم ، أنا عارفة إنك مش عاوز تتعبني لكن صدقني أنا هكون تعبانة أكتر لو الأولاد حسوا إني مراة أب زي اللي بيشوفوها في الأفلام بتخلي ولاد جوزها يكنسوا ويمسحوا ويطبخوا
= إنتي هترجعي الشغل بعد كام يوم يا صفاء ؟
- تلات أيام
= وهتخرجي من الشغل الساعة كام كل يوم ؟ - الساعة تلاتة وساعات بتوصل لخمسة ما انت عارف !!
= وبعد ما ترجعي من الشغل هتجهزي الأكل وتشوفي الغسيل وتنضيف البيت ولا هتعملي الحاجات دي قبل
هل نخفض رتبتنا ؟!
- متشغلش نفسك أنا هدبرها
= إذا مادبرتيهاش ؟!
- مش فاهمة ! أنا في أمتحان ؟!
= أنا أقولك إذا مادبرتيهاش هتبقي مراة أب
- إيه ألغاز دي ؟!
مش ألغاز ولا حاجة ، إنتي عارفة كويس إن شغل البيت مقسم علينا كلنا على مدار الأسبوع وإنتي قررتي من النهاردة أنهاء تقسيم العمل ده .. وهتقومي بشغلنا کله مش كده ؟!
- أيوة
= بعد کده هنتعود على كده ولو رجعتي من الشغل تعبانة وماعملتيش اللي عودتينا عليه هنطالبك بيه وهتبقي مراة أب
- أيوة بس من هنا ورايح لازم الأولاد يتفرغوا لمذاكرتهم ، إن ماكانش المذاكرة يكون للفسح يكون للعب .. ثم أنا
= : صدقيني يا صفاء اللي حصل ده واللي أجبرتنا عليه ظروفنا اللي كنا فيها أفاد الأولاد أكثر وغرس في نفوسهم إن كل واحد لازم يعتمد على نفسه .. أنا عمري ما قولت ذاكر وإنتي شايفة أد إيه هما متفوقين في لحد منهم. دراستهم
- فعلًا أنا لاحظت كده
= ده مش كده وبس ده تقسيم الشغل خلق بينا إحساس قوي ببعض ، من حوالي شهرين وفاء عيت پومین وكان عليها الدور في المطبخ وأنا داخل المطبخ أعمل شغلها صلاح سبقني وأتخـ ـانقنا مع بعض عشان يعمل شغل وفاء
- - ده إحساس كويس أوي وانت اللي ليك الفضل فيه لأنك علمتهم زي ما ياخدوا لازم يدوا وبديت بنفسك
= صدقيني يا صفاء تَحمُّل المسؤولية بيصلب عود البني آدم ده أحيانًا الأولاد بقوا يتصرفوا في شؤون حياتهم ومش منتظرين حد يقولهم أعملوا ده وما تعملوش ده
- أيوة بس انت كده بتكبرهم قبل الأوان .. الأولاد محتاجين اللي يقف جمبهم ويفهمهم خصوصا في السن ده
= أهو ده اللي أنا عايزه منك .. مش عايز لا صينية بطاطس ولا حلة ملوخية مؤكد هلاقي طباخ وماتزعليش مني أحسن منك
- بقى كداااا ؟
= أنا بتكلم جد ، لكن مش من السهل أبدًا ألاقي لأولادي أم أو أخت كبيرة تقف جمبهم وتفهمهم .. مش تشغل نفسها بالطبيخ والغسيل !
- ماتصورش يا حمدي أنا بجب الأولاد أد إيه
= مش وفاء وصلاح هما بس اللي محتاجنلك ، أنا كمان محتاجلك يا صفاء محتاجلك تملي فراغ عشر سنين ، الحكاية مش حكاية أكل أو شرب ، غلطان اللي قال أقرب طريق لقلب الراجل معدته .. أقرب طريق لقلب الراجل عقله
أنت تقرأ
رقائق 2
Randomمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي ، أضعه بين أناملكم 💙
