في مرة ماشيين من مصر الجديدة لألف مسكن لقى واحد نايم فالشارع وسط الجناين راح جاري عليه بدون تفكير.. صحى الراجل واتكلم معاه وعرف انه ملوش بيت او مكان ينام فيه وانه مغترب وفي مشاكل عنده والراجل ماشاء الله متعلم وفوق المحترم.. ابراهيم اتكلم معاه كتير وخد رقم فونه وظبطله اموره من حيث المكان وكل حاجة.. شاف واحد واقف بيصلي القيام فالشارع في عز المطرا كانت حوالي ٢ بليل وقف يبكي على حاله.. كنت اقوله يبني اعمل حاجة لنفسك وكفايا مصاريف عمال على بطال يقولي ياعم انا مش ضامن اعيش لبكرا اصلا والدنيا فانية وانا بدور على الاخرة.. رمضان قبل الي فات كان بيصوم صيام متواصل لدرجة انه خس جدًا جدًا وقولتله يبني حرام عليك نفسك قالي لا عيش الا عيش الاخرة.. اقوله يبني انت ليك فلوس كتير بره عند الناس مبتطلبهاش ليه يقولي الي معاه هيجيب.. مكنش بيحرج حد.. مكنش بيكسف حد.. والله والله كان يقولي انا خدام اي حد وانا اقل من اي حد.. كان يشوف الشباب الي بنقول عليهم اندر ايدج يفضل ينصحهم ويضربلهم مثال على نفسه كان زمان ايه ضايع ازاي وربنا هداه.. كان بيتكلم مع واحد منهم في مرة في المحل وكان معاه اربعة.. الاربعة سابوا الي كانوا بيدورو عليه وجم لابراهيم يسمعهوله من اسلوبه واللين الي كان فيه واتصاحب عليهم واداهم رقمه وقال بالحرف الي يحتاج منكم حاجة يكلمني انا خدامكم.. في مرة بطمنه في موضوع يخصه.. قالي بالحرف ( عايز اكون خدام الناس المحتاجة، والله انا ما عايز من الدنيا حاجة غير حسن الخاتمة ).. قالي انا بحمد ربنا اني مبتلى فالدنيا عشان كله يخلص اول بأول واطلع فوق نضيف.. ابراهيم كتب سيرته بأفعاله والله ابراهيم كان طيب جدًا ومُسامح وبيعفو في حقه بشكل غريب وبيراضي اي حد على حساب نفسه.. حبيبي واخويا صدق الله فصدقه الله.. ادعوله كتير بالله عليكم.. وادعوا لأمه جبل الصبر الي بتصبرنا احنا على فراقه.
أنت تقرأ
رقائق 2
Randomمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي ، أضعه بين أناملكم 💙
