بنات أنا متقدملي شخص من نفس الكارير بتاعي هو دكتور في الجامعة اهلي مرحبين جدا فيه لما قلتلهم اني هقعد معاه واسأله قالولي أن القعدة هتبقى عائلية دردشة يعني بنتعرف فيها على الشخص مش من أول مرة هنفتح معاه سؤال وجواب يعني أنا كل الاسئلة اللي هسأل فيها هي الصلاة بشكل عام وصلاة الفجر بشكل خاص
علاقته بالقرآن هل ليه ورد ثابت بيحافظ عليه
الأغاني مثلا لو لقيته مبيسمعهاش ممكن اسأله في المسلسلات والأفلام البوينت الاخيرة هي الاختلاط هل ليه حدود معينة وضوابط او لاء
لما كلمت اصحابي في اللي قالي انتي يهمك مثلا الصلاة أما الحياة الزوجية الاكتر بيفرق فيها هي التعاملات ده غير كل ده محدش في البيت هيسمح اني أسأل الاسئلة دي كلها هل الاسئلة دي مبالغ فيها أو مش واقعية ده غير أن
هل أنا على حق ولا ببالغ مثلا يعني نقطة الصلاة +ورد القران+حدود الاختلاط +عدم سماع الأغاني دي بالنسبالي اساسيات لانو لو كان عنده سماع الأغاني عادي هيبقى ده شكل حفل الخطوبة أو حفل الزفاف.
انتي حرة في شروطك ومعاييرك ولكِ الحق ف السؤال بس اسألي عن الأمور الرئيسية اللي ممكن عدم وجودها يؤدي إلى رفض..
لكن لو سألتي وكله تمام.. ف التفاصيل أكتر هتعرفيها ف الخطوبة..
زي على سبيل المثال بتنام ف المروحة ف الصيف ولا لا عشان أنا شخص صحي مش بنام ف المروحة 😂 "دي أنا" 👩🦯
ف أنا مش هطرح التفاصيل اللي شبه دي ف الأول عشان هيا مش رئيسية بالنسبالي.
واسألوا عنه كويس، شوفي انتي عايزة تسألي عن ايه وايه.. لا تأخذي منه كثيراً.. اسمعي م الناس الأول..
اسمعي لهالة سمير ف اختيار الزوج وكدا هتستفادي منها.
وعموما الشروط والمعايير بتختلف من شخص للتاني.. يعني لو حد قال لك مش لازم يكون بيصلي ف المسجد المهم بيصلي وخلاص.. ف دا شيء يرجعلك انتي مش هيا.. شوفي تقدري تتعايشي مع ايه ومتقدريش تتعايشي مع ايه..
فيه حاجه لاحظتها من كلامك إن شروطك كلها ف الجانب الديني بس..
ألقي نظره كدا ع الجوانب الأخرى هل عندك فيها شروط أساسية ولا لا.
الشخصي
الاجتماعي
المادي
الشكلي
وهكذا..
ربنا يعينك على حُسن الاختيار
وادعي كتير واستخيري بعد القرار ❤️
أنت تقرأ
رقائق 2
Randomمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي ، أضعه بين أناملكم 💙
