انا حاسس إني هسقط
اة ياصاحبي هتسقط
- الظروف هتفضل ملطشه معايا كده !
اه هتفضل ملطشه معاك كده يا صاحبي
مهو طبيعي إنك تسقط ، وطبيعي تفضل ظروفك مقندله كده وع فكرة أنا بتكلم بجد مادام حكمت علي نفسك بحاجه وقدمت البلاء قبل وقوعه يبقي هيحصل ..🌸"!
تصدق وتؤمن بمين ؟.. أعرف راجل كان كل لما مراته تيجي تصحيه من النوم يعمل فيها مقلب قال إيه إنه ميت كل كام يوم يعمل فيها المقلب ده والست تبكي وهو يضحك, لحد ما في يوم جت تصحيه لقته فعلاً مات !
- لما النبي راح يزور واحد من الصحابه وكان الصحابي مريض فالنبي طبطب علي كتفه وقاله : لا بـأس طهور إن شاء الله متقلقش هتقوم وتطهر من تعبك زي ما الهدمه بتطهر من البُقعه بعد الغسيل الصحابي بقي مقالش أن شاء الله يا رسول الله شده وتزول
لكنه قال : بل هي حُمي تلقيني في القبر يا رسول الله .. دي حُمي هتموتني قريب يا رسول الله .. النبي قاله : فـ نعم إذًا مادام إنت قولت كده فخلاص هيحصل اللي قولته, وبالفعل معداش كام يوم والصحابي مات ..💙
سيدنا عبد الله بن مسعود بيقول : البلاء مُعلق بالنُطق به
البلوه الزرقه اللي بتحصل في حياتك بتبقي متعلقه في السماء واول لما تتشائم وتقول هسقط .. هفلس .. تلاقيها نزلت علي دماغك تجيبك الأرض .. اه والله زي مابقولك كده
وعلشان كده الحكمه بتقول تفائلوا بالخير تجدوه زي ما تبشر نفسك بالشر فيحصل كذلك لو بشرت نفسك بالخير هيحصل ..
زي بالظبط لما تكون قاعد بتتكلم علي حد وفجأه لقيته داخل عليك فقولت : يارتني افتكرت مليون جنيه, وده يبينلك إن كتير من حاجات بتحصل في حياتنا بتيجي بسبب إننا جبنا سيرتها ! .. 🌸
خلي عندك أمل في ربنا لو جبت إزازة " بيبسي " وفضيتها في كوبايه هتلاقي الصوده بتاعتها بسيطه وبعد لحظه الصوده هتخف وتصب باقي الإزازه براحتك في الكوبايه صح ؟ ..
لكن لو جبت نفس الإزازه وفضلت ترجها جامد وفتحتها بعدها هيحصل إيه ؟ أكيد قبل ما تُصب هتلاقيها غرقتك و وغرقت الدُنيا ! يبقي مترجش مشاكلك متفورهاش بالهداوه وإنت تلاقي صودة همومك إختفت قول دلوقت هنجح قول باذن الله ربنا هيكرمني في حياتي ويحقق مُرادي
أصل ربنا قالها أنا عند ظن عبدي بي فلو كان خير هيبقي خير ولو شر هيبقي زي ما ظن فيا أحسن الظن في الله, وإجمد هتفرج من وسع وقريب قوي كمان لأن " كُل مُتوَقَّع آتٍ " 🌸
- تفائلوا بالخير تجدوه ياصاحبي 🌸"!
#أترك_أثر.
أنت تقرأ
رقائق 2
Randomمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي ، أضعه بين أناملكم 💙
