# **"انت مش هتغير العالم!" **
الجملة دي بقالي اكتر من ١٥ سنة بحارب بكل قوتي عشان أنكرها!
كان دايمًا في دماغي صوت Will smith
> “Don't ever let someone tell you, you can't do something. Not even me. You got a dream, you got to protect it. People can’t do something themselves, they want to tell you you can’t do it. You want something, go get it. Period.”
دايمًا الصوت اللي بيصرخ جوايا كل ما احس إني بس بدأت اتعب قبل ما مخي حتى يفكر إنه يقول "مش قادر" الصوت ده يصرخ ويقول "انت تقدر!!!"
مانكرش .. إني حققت حاجات كتير اوي بسبب الصوت ده!
مانكرش .. إني شوفت من الصوت ده خير كبير!
بس للأسف التحفيز بدون حكمة .. أمر قاتل!
عشان كدا دعوتي دايمًا "وارزقنا الحكمة"
انا صدقًا كنت مصدق إني اقدر أغير العالم لوحدي!
كنت متأكد إن صدى المجهود الخرافي اللي عمال أبذله طول الوقت اللي احياناً بيوصل لإني مش بنام عدد ساعات آدمي ومش براعي صحتي وشايف إني بضحي بنفسي عشان هدف ومعنى أكبر مني بكتير!
والأمر يستحق! .. والله يستحق!
إنك تشوف نفوس سوية هادية بترحم نفسها وبعضها
إنك تشوف مجتمع فاتح دراعاته لبعض مش رافع السكاكين على بعض
إن في موجة الأنانية والزحام على الدنيا توجد ولو جزء من نور الرحمة في القلوب.
**أنا مستعد أفني عمري كله لده. **
وعشان المعنى والحلم ده كبير اوي (على الأقل عندي)
كنت محتاج اتخلى عن الEGO بتاعي، واكون صريح مع نفسي ومعاكم ومع الدنيا كلها.
أنا كنت متخيل إني اقدر اغير العالم .. بالRipple effect. وإن كل ما كانت ضرباتي قوية في المكان اللي واقف فيه كل ما التأثير بتاعها هيوصل لبعيد!
والتغيير اللي بحلم بيه هشوفه في كل حتة في العالم.
بس الحقيقة..
كل ما كبرت وكل ما ربنا علمني اكتر..
كل ما اكتشفت ان كان عندهم حق
> ***"انا مش هغير العالم!" ***
العالم كبير اوي عليا.. أو انا طموحي كبير اوي عليا..
فمفيش حل غير إني يا أصغر من طموحي .. يا إما يكون عندي الشجاعة إني أكبر له!
المفروض البوست ده يكون official business announcement
والمفروض تقريبًا يتقال في كلام شكله احلى من كدا
بس بصراحة ماتعودتش اكدب على الناس
كفاية الكدب اللي الواحد بيكدبه على نفسه وهو مش واخد باله.
أنت تقرأ
رقائق 2
De Todoمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي ، أضعه بين أناملكم 💙
