Affection[Complete]

၁၁(U+Z)

Unicode

 ပိုင်ယန်သည် ရှောက်ချန်နှင့်ကျောင်းဝန်းထဲတွင်မကြာခဏတွေ့သော်လည်း တစ်ဖက်ကသူ့ကိုအမှိုက်တစ်စလိုရွံ့ရှာနေသည့်ဟန်မှာမပြောင်းမလဲအရင်ကအတိုင်းပင်။ အရင်ကသူရှောက်ချန်ကိုမြင်လျှင်အပြုံးနှင့်နှုတ်ဆက်လေ့ရှိသော်လည်း ယခုသူ မနှုတ်ဆက်ဝံ့ပေ။

ရှောက်ချန်သူ့ကိုလျစ်လျူရှုလိုက်ခြင်းက အထင်အမြင်သေးနေခြင်းထက်ပို၍သာပါသည်။

သူရှောက်ချန်ကိုထိုအကြောင်းကိုသေသေချာချာမရှင်းပြနိုင်သေးခင်မှာပဲ နောက်ထပ်ခေါင်းကိုက်စရာကိစ္စကပေါ်လာလေသည်။

 ဋ္ဌာနများနှင့်တက္ကသိုလ်တစ်ခုလုံးတွင်သတင်းတစ်ခုပြန့်နေသည်။ ထိုသတင်းမှာ ပိုင်ယန်က ငွေချူစားလေ့ရှိသော ပေါ့ပျက်ပျက်လိင်တူချစ်သူတစ်ယောက်ဖြစ်သည်ဟူသောသတင်းပင်။ ပိုင်ယန်မှာ သတင်းဖြန့်ဝေသူကမည်သူဖြစ်ကြောင်းများများစားစားစဥ်းစားကြည့်စရာမလိုပေ။ သူစုန့်ချီကိုလည်းသွားရန်ရှာ၍မရချေ။ တစ်ဖက်လူကိုသွားရန်စမိလျှင် အကျိုးဆက်များမှာတွေး၍ပင်မကုန်ချေ။ ထို့ကြောင့် သူထိုကောလဟလသတင်းများကိုဒီအတိုင်းသာလွှတ်ထားလိုက်ရသည်။

ပိုင်ယန်နှင့်ရင်းနှီးကြသောသူငယ်ချင်းများမှာထိုသတင်းကိုလုံးဝမယုံကြပေ။ သို့သော်လည်း သူနှင့်မရင်းနှီးကြသောသူများမှာမူ ကောလဟလများကြောင့် တချို့လူများဆိုလျှင်သူ့ကိုလမ်းလည်ခေါင်တွင်ပင်လက်ညှိုးထိုးအတင်းပြောလာကြပြီဖြစ်၏။

သူအစကထင်ခဲ့သည်မှာ ကောလဟလများကသူ့အလိုလိုပျောက်ကွယ်သွားမည်ဟု။ သို့ပေမယ့် တချို့တချို့သောယောကျာ်းများသည်အမှန်တကယ်ကြီးသူ့ကိုတိုက်ရိုက်လာအီကြလေသည်။

ပိုင်ယန်သည် အရပ်မြင့်ပြီးပိန်ပိန်သွယ်သွယ်နှင့်ကြွက်သားတို့အပြည့်ရှိသောဆွဲဆောင်မှုရှိသည့်လူငယ်လေးပင်။ ရုပ်ရည်ကလည်းချောမောသည့်အပြင်မျက်ဝန်းနက်နက်ကလေးများကလည်းတောက်ပနေကာ ပြုံးလိုက်လျှင်လည်းပါးချိုင့်နှစ်ခုနှင့်အလွန်ရိုးစင်းသည့်ပုံလေးပေါက်လေသည်။