العروس في الثوب الاسود

تكمله

محمد: خويه كول ياالله واستهدي بالرحمن ضربه من الضربات ماتت البنيه مو تدخل السجن بسببها و تسوه تنسجن من ورة هيج شكولات تضيع عمرك وجهالك ادري انت متفكر عقلك انضرب احجي مو راح اتخبل .

صادق: عوفها هسه وكومو نتعشة ، ام حسام شنو اليوم متعشينه .

زهرة: والله يا ابو حسام اللي سمعته خلاني انسى حتى اسمي مو بس العشا .

دخلنه للمطبخ اني وعمة وبلشنه بلعشا ، كملناه و فرشت السفرة وطلعت صحتهم كلها خلقها مكلوبه .

كعدنة على السفره الكل مياكل بس هيج كأنما تأديه واجب شويه وانسحبو واحد ورة الثاني.

مرت اليومين مشاكل بين بابا وخالو ،اخر شي خالو هدد بابا اذا يسوي هيج يتصل على جدو ويبلغه .

صادق: روح خابر خايف منهم والله ياالله

محمد: لتعاند من شوكت انت هيج راكب راسك مو موتتني حرام اللي تسويه خلينه مرتاحين شلك بالمشاكل و وجع الراس .

مر كم يوم وخالو خابر على عمامي واجوي وصارت مشكلة كلش كبيرة وبابا مصر على رأية ميطلك هلمرة عمامي جلبو اله تجي ويانه للبصرة منعوفك هنا بعد .

صادق: ما اجي وما اطلك ما الكم دخل بحياتي .

جواد: شو انت محد بعينك جاين مناك ليجاي وتالي راكب راسك اركد بمجانك يوميه طلابه وتعالو حلوها.

صادق: تعيرني حضرتك هو اني يايوم داز عليك بس مرة احتاجيتك واجيتو حليتو مشكلتي وعلى عيني وراسي بعد وين يومية داز عليكم اني .

علي: استهدو بالرحمن صادق كصر الشر وامشي ويانه ابويه حيل تعبان مو حمل سالفه جديده ليصير بيه شي وبذمتك .

حجاية منا وحجاية منا كدرو يقنعون بابا يطلك شجن
والحمد لله ورة فترة طلكها وخلصنه منها مشت الايام والاسابيع والشهور واجتي امتحانات اخر السنه امتحنه واجتي العطلة الصيفية طلعت النتائج ناجحين الحمدلله وبدت السنة الجديدة وهم خلصت على خير مابيهة اي حدث مميز يذكر سوى روتين عادي وايام حالها حال القبلها .

واليوم اني واكفه كبال الاستاذ اسجل اسمي بمعهد الدروس الخصوصية، جان بيت صغير ومسويه معهد وبيه عدة اساتذه لكل المواد سجلت وطلعت لكيت بابا منتضرني بالباب مال معهد ابستمتله.

صادق: ها كلشي تمام ان شاءالله ..

رسيل: الحمدلله..

صادق: الله يقويج ويسهلها عليج وتطلعين معدل عالي وافرح بيج..

رسيل: يارب ،بابا شنو تتمنى تطلعلي ياكليه ..

صادق: اي شي يخص المجموعه الطبيه اهم شي اشوفج بصدريه بيضة .

رسيل: ان شاءالله حبيبي يتحقق حلمك اللي هو حلمي ...

مشينة وصلنه يم السيارة ،وبابا لكة ورقة على البنيد فتحها وجانت الصدمة .............

يتبع . ...