يريد يحجي حسام وخالو جرة طلعه برة طلعت وراهم ، صعدنة بالسيارة تعاركو هو وخالو والطريق كله حسام يسب بالطبيب يكول ميفتهم ...
رجعنة للبيت ، نزلت من السيارة اباوع على بيتنه ، شبسرعة هيج تطشرنة وينهم ليش كلمن صار بصفحة ، ليش راحو مني كلهم ، كمت ابجي وارجف ، اجوي خالو وحسام يتوسلون بيه حتى ادخل للبيت،
فتت كعدت بالحديقة اريد هوى اريد اتنفس اختنكت صدري عبالك عليه جبل من الهم ، اجه حسام كعد بصفي ، أشرتله بمعنى اريد ابقة وحدي ، كام باوعلي ودخل جوة ، بس كل شوية ويطلع يشوفني شنو اسوي يلكاني على نفس صفنتي ويدخل .
صار الليل اه يا ليل كمت اكرها يهيج عليه المواجع واضل كاعده للصبح كل شوية واحد فاتح الباب يلكوني لو ابجي لو صافنة لو انود بمكاني وأون ، من توفى بابا هجر النوم عيوني ، انام لو ساعه بالنهار بالزايد ساعتين واكعد ، اكلي كلش قليل نزل وزني هواي،
ورة اربع ايام من روحتي للطبيب اجة خالو كعد يمي .
محمد: رسولة خابرت ريناد واران يريدون يحجون وياج خطية بالهم يمج ، انتي الجبيرة هسه وعينهم عليج،، صيري زينة لخاطرهم منتضريج .
اني على كعدتي واباوع ليكدام مانطيت اي ردة فعل لحجي خالو . وهو مستمر يحجي
محمد : زين بس هزي راسج ب اي او لا ، تتحملين سفر حتى احجز ونروح يم اخوتج ، بلكت تطلعين من الانتي بيه .
هم مجاوبت ضليت على نفس كعدتي ، خالو كام يبجي وعافني وطلع، حسام مل من الحجي يومية يجي يحجي ويايه لحد ميمل يشوف ماكو نتيجة ويكوم ينزل وعمة كذالك ، عجزو ميعرفون بعد شيسوون حتى يطلعوني من الاني بيه .
وبيوم ...ورة وفاة بابا بثلاث اسابيع كعدت الصبح على صوت عياط، حسام وخالو وبعد اكو اصوات مال زلم كمت من فراشي ونزلت على كيفي كوة امشي حيل مابيه ، طلعت للطرمة واشوف حسام ومروان متلازمين وخالو بنصهم يفاككهم...
وبالطرمة زلم اللي عرفته منهم مروان وياسر البقيه مشايفتهم بس الغريب كلهم شايلين سلاح وحسام وخالو بالنص ، صفنت عليهم ذوله شجابهم وشرايدين من خالو وحسام وشنو الشي اللي خله حسام بهيج حال ، يعيط من كل كلبه احس وجها راح ينفجر يرجف من الاعصاب وذاك مروان الكلب يحجي برود ولا كأنما واحد كباله هيج ديحترك ...
حجه مروان مستهزء...
مروان: أثبتلي هيه خطيبتك وهسا اعوفها أنه ما امشي على الكال والكلت، عندك عقد شوفه الي وانه الم الزلم وادير وجهي وبعمرك ماتشوفني ..
عاط حسام بعلو صوته...
حسام : اكله قرينه الفاتحة من جان عمي عايش ، وقبل ميموت وصاني اتزوجها واسافر، بس غير هسه وضعيتها ما تسمح، شلون اتزوجها وابوها ما صارله ٣ اسابيع متوفي مروان العن الشيطان واخذ عصابتك وروح منا .
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
