شوق : شفت ايهم شفت هاي التدافع عنها ومن الصبح لسه تشتغل بغرفتها شلون ذبتلي رجل زين ماراح وجهي بالكزاز وطب بعيني.
صفنت على جذبها والتمثيل مالتها شلون قابليه ،
باوعت على ايهم شفته عاقج حواجبه ،انقهرت حسيته صدك بيها ...
رسيل: والله كذب مو اني وكعتها هيه وكعت وحتى رحت اكومها ، وهاي نور أسألها، نور الله عليج مو هيه وكعت .
كامت نور راحت للمطبخ ماحجت ، باوعت على ايهم .
رسيل : ايهم صدكني ما اكذب .
حجت اخته الكبيرة ..
أزهار: لا انتي وكعتيها واحنه كلنا شفناج مو بنات ...
كلهن كالن اي صح هيه وكعتهة.
كمت ابجي جان يعيط...
ايهم : رسييييل صعدي لغرفتج وممنوع تنزلين بعد.
باوعت عليهم كمت ابجي وصعدت ؛ اختنكت حيل ، شنو هاي شنو من قابليه كذب عدهم ، دخيلك ربي استرني .
صعدت شمرت نفسي على الفراش و دفنت راسي بالمخده وضليت اشهك وابجي ورة ساعه انفتحت الباب ، رفعت راسي واشوف اخته انتصار وعمتي صبريه .
أنتصار: ها شلونج هسا زينه ، بعدج ماشفتي شي حبيبتي هاي اعتبريها تعارف بينه ، شتكولين عمه .
صبريه: ههههه والله عمه عاشت ايدجن تستاهل.
تقربت يمي انتصار و وكفت فوك راسي .
أنتصار: شوفي اذا جبيرنه ما رجع للبيت والله لا اخليج بحسرة الهوة ، ومرة ثانيه اذا تجاوزتي حدج وياه اشوفج شي بعمرج ماشايفته .
رسيل: لتهددين ما اخاف منج .
أنتصار: عمه ابو المثل شيكول .
صبريه: ياغريب كون اديب .
أنتصار: سمعتي عمتي شتكول ،
ضليت صافنه عليهن خوش انفتحت عليه جبهة الله يستر من الجاي.......
يتبع ......
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
