طبعا ايهم ميحجي ويه شوق شكد رادو يصالحوهم يرفض مر عيدين ويخلوها توكع عليه وتبجي وتتوسل وهو ابد. صدك نور كالت اذا قفلو على واحد وتأذو منه انتهت واني جربتها شلون قاطعني وحاربي شهر ، خلاني لا ليلي ليل ولا نهاري نهار.
....
وبيوم كاعده اقره العصر عندي امتحان والملازم داير مدايري ، اباوع عززة ملزمه نقص شلون وهاي كلش مهمه .
كمزت للموبايل دكيت على ايهم
أيهم: ها حبيبي
رسيل: هلو حبي فدوه تكدر تجيني
أيهم: صاير شي
رسيل: عندي امتحان باجر وملزمتي ماكو
أيهم: اي وشنو هسه
رسيل: اريد اروح لصديقتي اخذها منها استنسخها وارجعها الها؛ عفيه كلش ضروريه.
أيهم: بس انه ما اكدر اجي كاعد ينزلون اثاث والله وعيني عليهم بس اعوفهم يفلشونه .
رسيل: حباب شلون والله مهمه
أيهم: شوفي مروان بلبيت بلكت ياخذج .
رسيل: جريت حسره ؛ عليمن شمرني على مروان
ماشي الله وياك
أيهم: هله
كمت اريد اروح واخاف يفشلني ، كلت اطلع لو بالهدف لو بالنجف اجرب حضي ؛ من وكفت صارت عيني على المرايا وذيج الكفشه الزينه مال امتحانات .
رحت دكيت باب شقه مروان ..
رغد فتحتها
رغد: خيرررر
رسيل: مروان هنا
رغد : نايم شرايده منه ؛ جان اسمع صوته
مروان: تعاي رسيل فوتي .
باوعتلها صفح وابتسمت ابتسامه خبيثه وفتتت( بس لكل فعل من عدنه يقابله ردة فعل اكبر منه ومرات نندم لان عادينه هيج نوع من الاشخاص)
فتت لكيته كاعد يشرب جاي وبايد الخ جكارة.
عفيه جكايرك متخلص .
رسيل: مروان فدوة لعينك الله يخليك اريد منك شغله ولتكول لا محتاجتها ضروري .
مروان: شبيج راح تبجين احجي شنو الشغله
رسيل: اريدك تاخذني لبيت صديقتي اجيب منها ملزمه استنسخها وارجعها الها والله مهمه كلش .
رغد: والله خوش صديقتي امشي طلعي عيني معليج برجلي ميطلع وياج .
مروان: رسيل بدلي نازل قبلج .
كام خزرها وفات.
اني دكت طبول بصدري هم لان قبل ومخجلني وهم لان فشلت ...
لبست عبايه اسلاميه وشال وطلعت اركض .
صعدت يمه ، حرك السيارة ومشينه
أنت تقرأ
العروس في الثوب الاسود
Storie d'amore#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
