العروس في الثوب الاسود

تكمله

بابا فتح الباب مبدل مديت راسي شفت حسام وثائر نايمين باوعت على ريناد بنظرة فهمتني راسن دخلنه جانت اكو سراحية مال مي درناها على حسام وثائر يابه كمزو كمزة عاط حسام...

حسام: هذا هم شقه صدك جذب

رسيل: حتى تبطل تكذب عليه

حسام: هو هيج درتي المي كله بأذني

كام اخذ المنشفه وينشف براسه واذنه

حسام: عمي جايبني حتى بناتك يسون بيه مقالب

صادق: معلية اني طلعوني منها انت وياهن

حسام : خوش يعني ايدي الي

صادق: شتسوي سوي

حسام: ماشي

باوع علينة بمكر وضحك ضحكة خبيثه واشر بيدة يعني بسيطة .

ريناد: رسيل ايدي بيدج...

ضربنه كف بكف صرنه حزب عليهم .

جان يحجي ثائر

ثائر : اني وياك حسام عليهن والله عندي مقالب اله بشده .

ريناد: والله عبالي بعدك نايم تدري ردت ادير مي على راسك مرة ثانيه .

ثائر : كاعد كاعد بس منتظر حسام اشوفة شيسوي عبالي راح يركعكم راس براس .

رسيل: شحده هههه غير نموته هنا شتكولين رنوود

ريناد: خلي يجرب ويشوف

حسام: لا اجرب ولا شي اني رجال مسالم شيخلصني منجن .

رسيل : اي عفيه هيج صير هههههه...

حسام : امشي ولي خلي ابدل...

طلعنه كعدنه بالهول بابا كاعد ويضحك صارلي هواي مشايفته هيج مرتاح

رسيل : بابا شكد حلوة الضحكة عليك وتلوكلك .

صادق: من اشوفكم مرتاحين وتضحكون اني اضحك وارتاح...

رسيل : فدوة لعمرك حبيبي..

كعدنه يمه اني وريناد وحضناه وحده منا وحده منا .

صادق: الله يحفظكم الي بابا ويريح كلبكم ويبعد عنكم كل سوء بهاي الدنيا.

رسيل: امين يارب ويحفظك النه يا احلا واطيب اب بالدنيا.

كملو الولد تبديل دخلت بدلت لأران وطلعنه صاير المغرب دخلنه مطعم ناكل لان جعنة كلش همة على الريوك واني كلشي مماكلة .

اجه النادل يحجي بالكردي ..

باوعولي ضحكوا ..

رسيل: اريد فلوس ..

حسام : مال شنو بله ..

رسيل: ترجمة لو وياكم مترجم متنطوه فلوس ..

صادق: على لسانج اللي ترديه ..

رسيل: حبيبي بابا اروحلك فدوة .