أيهم: وانه اموت عليج بكل حالاتج .
...........
ثاني يوم الصبح كمت فرحانه وكلي نشاط رحت سبحت جان نهايه شهر ال ١١ بارده ثلج بس ما اعرف اله اسبح يلا اصحصح .
طلعت من الحمام بدلت ولفيت شالي وخليت كحل وماسكارة، ممنوع اخلي شي ثاني أيهم ميقبل.
كوة قنعته بذني ، شلت اللفكس مالتي ارتب بالمحاضرات خاف ناسيه شي اندكت الباب.
فوت
أيهم: صباح العسل
رسيل: صباح كل شي حلو بالدنيا انت
أيهم: كملتي ننزل
رسيل: بس ارتب محاضراتي واجي وراك .
أيهم: مو كتلج بليل خلصي شغلج كله .
رسيل: نسيتهن والله ؛ هسه ما اتأخر خمس دقايق .
أيهم: رايح اشغل السيارة على ما تجين لبين ما تحمه
رسيل: ماشي
راح نزل ورة خمس دقايق كملت وطلعت من الغرفه مبتسمه . شفته واختفت الابتسامه
مروان: هاي هيج ترحين
رسيل: ليش بيهن شي
مروان: انتي شتشوفين،
عاقج الوجه ، عفيه وجه ماشفته يضحك بس بالخباثه وهم مو ضحكه ابتسامه خفيفه.
رسيل: عاديات يوميه اداوم بيهن وحتى أيهم ...
قاطعني ؛ ردت اكله حتى ايهم شافني بيهن ومحجه لو بيهن شي ميخليني اطلع
مروان: مالي شغل بقن... غلط على ايهم .
عندج شي ثاني لبسيه ماعندج ماكو دوام و وجهج تجلفينه كبالي يلا تطلعين.
رسيل: مروان ماعندي غير شي كلهن تنانير شتريدني البس .
مروان: جبه لبسي وطلعي
رسيل: لو اموت والله ما البسها
مروان: وانه اريد بنيه تعدي عتبه الباب .
رسيل: والله مابيها شي ليش تعاند
مروان: لو تبدلينهن لو رجعي كملي نومتج وراي شغل.
اعرف ميطلع بهيج وكت اصلا ساعه ٩ يوميه يرحون عدهم عمال تفتح بدالهم .كاعد علمود يضوجني بس .
رسيل: اداوم اليوم ومن ارجع اخلي أيهم ياخذني واشتري جبب ، زين هسه راضي عليه .
مروان: اشر بحواجبه يعني لا ،
ضربت بيدي على اللفكس حيل وكع القلم مني دنك ، عبالي راح يجيبه كلت والله حباب صاير وعنده اتكيت .
ما اسمع اله صوت الرعطه مال تنوره شكها اني ولابستها
مروان: يلا داومي وعافني ونزل
ضليت بمكاني صافنه كمت اضرب على وجهي من الاعصاب يعني شسوي واكدر اتعايش وياه راح يخبلني والله .
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
