العروس في الثوب الاسود

تكمله

حسام: انتي يايوم ماضايجه ونفسيتج مو زفت من شفتج وشفتيني تبجين بوجهي .

رسيل: هاي اني

حسام: لا ابويه عن الحلال والحرام شفت سنونج بس بالشمال وهاهيه شو بله خلي اشوف خاف يرادلهن تقويم حتى ما اورط روحي.

رسيل: تورطها بشنو ...

حسام : هاا ، حك راسه ، قصدي اتورط اكوم اودي واجيب لدكتور الاسنان تدرين يرادلج جلسات كومة .

رسيل: سنوني يخبلن مسطرات تسطر حير بسنونك الصفر مال جكاير .

حسام: اني سنوني صفر...

رسيل: وحلكك ازرك صاير ،عوفهن عاد كافي مو خطيه خالو يوميه مغثوث من وراك.

حسام: اووف كله صوج فد وحده مفرفحه كلبي ..

رسيل: منيه هاي ، اذا هنه كم وحده الله اعلم ..

حسام : وداعتج هيه وحده ومشيبته لكلبي ..

رسيل: وياك بالكلية

حسام: لا

رسيل: اعرفها

حسام: تقريبا

رسيل: الله عليك كول منو والله فضولي يقره الف

حسام: وعد اكلج بس تخلص هاي السنة

رسيل: وشمعنى

حسام: عدها امتحانات وماريد احد يعرف خاف تصيرلها مشاكل .

رسيل: ننتظر شورانه بس هيه تدري بيك .

باوع عليه وجر حسرة قويه ..

حسام: ما ادري تدري بيه ومغلسه لو متدري واصلا ماعدها احساس اني هم حاير مثلج.

رسيل: الزمها وكللها يابه اني معجب بيج وفضت راحت

حسام: اخاف اخسرها

رسيل: وليش تخسرها انت اللي عليك كول الها قبلت كان بها مقبلت هيه الخسرانه .

ضحك ضحكه قويه ورجع راسه ليورة وكال ...

حسام: فالنفرض فرضيه ها مو تتعاركين

رسيل: يلا افرض ابو الفرضيات وشبيك خايف هههه

حسام: اذا طلعتي انتي المقصودة شنو ردة فعلج ..

رسيل: اني وحسام ههههه شلون دبررتها بله. 

حسام: ليش وشناقصني ايد رجل

باوعت عليه من فوك ليجوه ..

رسيل: الصراحه ما ناقصك لا ايد ولا رجل بس عقل ماكو وحقنه تحاسب على الصغيره والجبيرة وعصبي ومرات مرات هااا مو دائما تصير خبيث .

حسام: طلعتيني انكس من ....،خليني ساكت لو ماسائلج احسن ، اكلج ..

رسيل: هاا

حسام: اني اوصلج بعد للمعهد وكليلي بيا وقت تكملين حتى اجي اخذج .

صفنت كلت ويه حسام احسن حتى بابا تصير طلعاته قليله بس للدوام والعصر خالو وياه .