نور: لا ما اخاف لزمت مروان وبوجود ياسر سولفتله بالصار من شوق وكعت روحها ومن تهمنج زور ومن انه خفت اشهد ضدج ولحد ما لزمني وهددني ، وهو محاجيهن وكايل الهن نور اللي يأذيها العب بيه طوبه ، وعافني بحالي،،فد هم ما أأمن ..
رسيل: وشمدريج مرزلهن؟
نور: ياسر حجالي ..
رسيل: هااا ...
من هاي مروان اليوم ما صدك بيها وعرفها لعب ، اني تفاجأت من يكللها اكره الكيد واللعب كلت شمدريه وهو جان طالع من البيت وحتى هو و ايهم ميتحاجون شلون عرف،
جنت مستبعده نور تحجيله، والله هاي نور ذهب صافي مابيه كل شوائب .
كملنه شغل وصعدت فوك لليل تذكرت سالفه بيت خالو اكله لمروان لو خاف عصبي هسه ويكلب عليه والله حيرة، متنعرف ردة فعله ابد.
كاعدة كلت خل اشوف الكمبيوتر اشغله احاول بيه بلكت اعرفله . بحوشت ماكو ميشتغل تأكدت من الكهرباء مشتغله ليش لعد، كمت رحت لشقه أيهم ديكت الباب ، اجاني صوته فوت .
فتحت الباب وفتت الشقه ثلج ،كاعد بالاستقبال مشغل فلم عربي وكرزات وضلمه عالكها .
رسيل: اريد اسألك على الكمبيوتر شو ميشتغل.
يكرز وعينه على التلفزيون ،
ايهم : تعاي بشرفج يكمل الفلم ونروح كعدي.
رسيل: شنو كاعد تتفرج ؟
أيهم: فلم لأحمد حلمي اسمه ( جعلتني مجرما) توه نازل جديد، مبين حلوو.
رسيل: هيه كل افلامه حلوة وتضحك ..
أيهم: تعاي كعدي شبيج ..
حجاها وطبطب بيده على القنفه ...
رحت وكعدت بس مسافه بينه .
رسيل: هاي على ياقناه عارضيه ...
أيهم: مو قناه هذا قرص ، وذاك السيدي..
رسيل: ها تمام ...
بدينه نتابع الفلم ، وكل شويه ونضحك على فد موقف، مرات ضحكتي تطلع بصوت عالي ؛ لان الفلم فد شي واحمد حلمي ملك الكوميديا كلش يضحكني.
التفت عليه مبتسم ..
أيهم: دووم الضحكه يابه ..
رسيل: شكرا والله جنت ضايجه .
صفن بوجهي ،حك شعره بطريقه حسيته ارتبك ....
أيهم: عندي اقراص بعد عود اخذيهن وياج شغليهن بالكومبيوتر .
رسيل: يصير ؟
أيهم: ليش لعد بيه مكان للاقراص.
رسيل: تمام .
رجعنه للفلم وبده الضحك هلمرة ايهم هم ضحكته فضيحه يضحك بصوت عالي .
ماكو دقايق مرت على ضحكتنه و باب شقه ايهم تكسرت .
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
