البارت الثالث والثلاثون
حبيتج
حبيتج لحد ما كام دمعي بحضني يتبدة
وشميتج لحد ما غارت منج الوردة
آنا يسموني مجنونج
صباح الخير ما يسوى اذا ما كابل عيونج
باوعت بيها ودنكت
خجلان مدري شبية
الرجل اذا حب يستحي
يباوع شوية شوية ...
_________
عم الهدوووووء ........ورة شوية بابا حجه ...
صادق: فاجأتني والله ..
محمد: اللي تريدة يجرالك ..
صادق: مابيناتنه هيج سوالف، لو علية انطياكم بهدومها ، بس رسيل بعدها صغيرة وراها دراسة ،واني ما اريد شي يشغلها عن دراستها، يعني طريقها طويل ، لو انت الك رأيي ثاني ....
محمد: منو كلك هسه يتزوجون ، اني ما اقبل....
صادق: لعد شنو ، ترة مو وكتها ياخويه ....
محمد: شوف بس خطوبة بدون كطع مهر ولا شي بس نحجزها لحسام ، يعني نظمن ما تنطيها لغير واحد ...
صادق: ليش هو بكيفي غير البنية اخذ رأيها جوز ماتقبل، انت واكعلي دخيل ، ونسيتها .
محمد: رسوله متأكد تقبل لان ربت يمنه وتعرف حسام شنو واخلاقة شنو ، واني اصيرلها اب وزهرة ام .
صادق: والنعم منكم وعلى راسي طلبك بس لازم اخذ رأيها مو بابا رسيل .
دنكت وجهي صار احمر دم ، يعني المفروض مايحجون كدامي ، بس خالو بعد عنده كلشي عادي .سكتت وصعدت فوك ثاني يوم نزلت الوضع عادي والكل تعامل ويايه بشكل طبيعي ، واني هم مشيت الامور ماسألت ولا استفسرت ، ورة يومين جنت توني طالعه من الحمام واكفه امشط شعري واندكت باب غرفتي .صحت
رسيل: منو
اجاني صوته ابو الحنية...
صادق: اني بابا
رسيل: فوت بابا ليش تدك الباب ...
فتح الباب وفات...
صادق: كلت خاف مشغوله لو نايمه .
رسيل: لا حبيبي ماعندي شي ، وحتى لو عندي ماكو اغله منك حتى انشغل بيه.
صادق: ام لسان العسل هو شنو مخبلني عليجن غير لسانجن انتي واختج .
رسيل: الله بابا شكد مشتاقه لريناد والله احس بفراغ جبير جنة نام سوة ونكعد سوة وشقانة وعركاتنه ،اووف
خو اران ميته عليه حبيبي
صادق: ما بقى غير ايام ونسافر وتلتقين بيهم وشبعي عركات وياها ،وبوسي ب اران ، عوفج منهم هسه عندي شغله وياج.
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
