العروس في الثوب الاسود

تكمله

باوعلي وابتسم ، عاف الجنطه واجاني.

أيهم: هاي الاعصاب كلها لان راح أسافر واعوفج .

بجيت متحملت

رسيل: يعني اله انت تروح؛ ماكو غيرك هاي كل فترة وعايفني ورايح .

أيهم: كتلج تحملي بس الم نفسي ونسافر وبعدين خوش وصيتج اريدج قويه وراح تجينه ايام صعبه ما اريدج تضعفين بيها، هاي بعدنه ب أولها وانتي خويتي ؛ شلون راح تتحملين لعد.

رسيل: خايفه أيهم اول مرة احس بضياع هيج .

أيهم: صبريلي بس هالشهر واخلصج من كل هذا وعد .

رسيل: الله كريم .

أيهم: دوامج ابويه راح يوصلج ومن يرجع مروان هو يلتزمج .

رسيل: ههه مروان يجيب ويودي كل عقلك .

أيهم: وليش لا غير احنه رايحين بشغل وهو كلشي ماعنده الصبح يضل نايم .

رسيل: الله كريم عوفك من الدوام طز بيه ؛ شلون راح اشتاقلك ، وانت من تسافر فلا تتحصل كوه تكتبلي وكل كم يوم كلمتين .

أيهم: والله شغل ما الحك كم مرة فهمتج .

رسيل: ماشي تروح وترجعلي بالف سلامه .
رحت حضنته اريد افوت بنص كلبه ؛ ما اعرف ليش اجاني احساس هذا اخر حضن ؛ بجيت بجي مصاير

سافرو ثاني يوم واني حتى مودعتهم ما الي كلب ضليت بغرفتي نايمه .اكتفيت بتوديعه الليل .

دوام مداومت ولا عمو صاحلي غلس .

مشه اول اسبوع عمو يودي ويجيب .ابد متعاجز وخلف الله عليه ، والله هو زين لو ما النسوان.

بثاني أسبوع صارت نزلة مروان .

حجه وياه عمي ، مروان كله ماشي اني اوصلها .

اول يوم بدلت ونزلت شافتني رغد لو دخانها وصل لسابع جار من الاعصاب ، رحنه ورجعنه ماكو شي ساكتين اي كلمه ماكو بينه عدا السلام والهلو.

ورة يومين بطريق الرجعه طبك مروان يم مطعم يشوي سمك ، مبين راقي .

رسيل: وين

مروان: كومي نتغده الريحه دكت براسي .

ضحكت كلت بكلبي خشم لو جلب ههههه شو اني مشتميتها .

نزلنه ودخلنه للمطعم جابو مقبلات وطلب سمجه وحده لان بس احنه ..

كاعدين جان يحجي

مروان: اي ست رسيل شلونه دوامج

رسيل: هههه

مروان: شو تضحكين؟

رسيل: صار ٤ ايام توصلني هسه يلا تذكرت تسأل

مروان: شنو تردين أسالج مبتسم ابتسامته الخبيثه