العروس في الثوب الاسود

تكمله

صادق: الله يسعدكم ويديمكم سوى طول العمر يا اغلى الغالين.

حسام: الله يحفظك عمي ويبارك بعمرك وينطيك الصحه والعافيه، دنك على ايد بابا باسها ، وباس راسه .

رسيل: حبيبي بابا الله يخليك الي يا احلا شي بالدنيا.
شبكتة حيل .

وراها سلمت على خالو وعمة زهرة وخاله سهاد وثائر .

سهرنه لساعه ٢ بليل ضحك وسوالف ،

صادق: يلا يابه كومو اريد انام كافي عاد .

محمد: شعندك مو كاعدين .

صادق: اريد انام فرغولي الهول بلا مطرود ، عندي كعده من الصبح اروح  اجدد الاجازة راح تخلص .

محمد: منو يكول يقبلون يجددوها الك ...

صادق: اقدم طلب قبلو كان بها ما قبلو اقدم استقاله واذا عمري يسمح للتقاعد اقدم ، بلكت تصير .

محمد: ان شاءالله على التقاعد لان عندك خدمة هوواي .

حسام: عمي انتو مو راح ترجعون عليمن تطلع تقاعد حرامات.

صادق: تريد الصدك تعبت اريد ارتاح ، السفر تعبني والالتزام ؛ واذا على الشغل افتحلي محل وربك الرزاق.

حسام: اذا هيج شكو بيها سوي اللي يريحك

صادق: ان شاءالله ، يلا كوموا ، رسوله بابا فرشيلي نعست كلششش.

رسيل: من عيوني بابا .

رحت اجيب الفراش خاليه بغرفه حسام .
دخلت ، جريت الفراش ، وانحضنت من ورة ، فزيت هيه فزه وهيه عيطه .

خله ايده على حلكي وهمس...

حسام: اش اش وثول فضحتينه .

رسيل: انت شبيك تخبلت ليش هيج تسوي حركات لو يدخل واحد شيكول علينه...

حسام: مرتي قابل بايك...حجاها ورفع تك حاجب..

رسيل: لا مرتك ولا ابد بعدنه بسم الله ...

حسام: ياربي حتى مقبلات ماكو منشفتها فد مرة ...

رسيل: حسااااااام كافي وخر ، اريد افرش لبابا ...

حسام ، متفوتين لازمج اني ...

رسيل: اي ساد طريقي ..

حسام : يلا فوتي ...

مشيت رجع جرني وحضني حيل وشمني من ركبتي ...

رسيل : حسام كافي عاد تره ضوجتني...

حسام : لج والله ما اصبر بعد ..

رسيل : لتخليني اندم لان وافقت...

حسام : يلا روحي ..

رسيل:بس وخر ايدك شلون اروح ..

حسام : ها اي ههههههه..