العروس في الثوب الاسود

تكمله

رسيل: هههههه استلم ،، مو حقي من ما وافقت اعرف تفكيرك شنو وشراح تسوي بيه 

حسام: رسيل وافقي احسلج ترة والله اخبلج ، وعلى اقل شي اسويلج عركه .

رسيل: اييي هنا الحجي واني اكول حسام متغير وميتعارك كبر وعقل اثاري هاي تمهيد للخطوبه على شوفيني كيوت واخبل.

حسام: من الاخير لا ادوخج ولا تدوخيني ، انتي الي واليوم عمي يجي ونقرة الفاتحه .

رسيل: بكيفك والله ابن زهرة ..

حسام: موافقه موو.

لزم راسي بيده وهزة بمعنى موافقه،

حسام : شوفي انتي كلتي هاهيه .

رسيل: هههه والله مو صاحي ، اقبل بس بشرط ...

حسام: مرفوض .

رسيل: لعد ما اقبل وبابا مستحيل يوافق اذا كلت لا.

حسام: احجي فضيها ...

رسيل: لا خطوبه ولازواج ولا اي شي لحد ما بابا يرجع لهنا ونستقر .

حسام: ليش عود، منين طلعتيلي بهاي السالفه...

رسيل: بابا كال نرجع لهنا بس بغير منطقه..

حسام: شوكت يرجع ...

رسيل : اول ما يبدي دوامي ..

حسام: وهاي شعليها بالخطوبه انتي ابقي هنا يمنه..

رسيل: لا صعب ابقة هنا بعد لان بابا ميقبل ولا اني اخذ راحتي.

حسام: ام راحة ؛ قابل اكلج اذا بقيتي لو اجاوز حدودي وياج انتو شلون تفكرون.

رسيل: حسام يجيك الصافي لتدوخ روحك ...

حسام: اليوم نقرة الفاتحة رسيل ؛ لخاطري لتكولين لا

رسيل : هههه ماشي ...

ضحك وكال...

حسام: احبج احبج احبج من كل كلبي ...

رسيل: هسه الي يسمعك شيكول...

حسام: شيكولون يكولون عادي اهم شي حجيتها جانت خانكتني.

رسيل: من شوكت حبيتني ....

حسام: من ابوج اخذج من ايد الجدة وكالتله مبروك .

رسيل: ههههه شكد جذاب جنت صغير وين تتذكر .

حسام: والله اتذكر شنو جان عمري ست سنوات.
بس الصدك حبيتج من امج توفت وصرتي مسؤوليتي حسيتج مالتي ولازم ادير بالي عليج ، متشوفين شلون تخبلت من اجوي ولد عمامج ردت اكتل واحد من وراج،  وجنت حاير وين اضمج من عيونهم.

يحجي واني صافنه عليه ، جنت افسر تصرفاته ، حقد عليه لو يريد يتحكم بيه او يفرض رأيه وشخصيته ، ابد مجنت افسر تصرفاته حب .

رسيل: يعني بالكليه من رحنة جنت حاجيلهم عليه مو ؟

حسام: لا والله ، بس جانن عندي معجبات هواي يتحارشن بيه وجنت اصدهن بكلمة وحدة ، احب وحدة ومرتبط .